小時候到士多，有玩過抽啷啷遊戲嗎？大家都想碰碰運氣，抽中大啷啷吧？荃灣一間以懷舊做賣點的士多，便提供這個遊戲。不過早前一位港媽帶同女兒去玩時，就算「打爆機」抽盡所有號碼，都中不了大獎大啷啷。港媽隨即質疑店舖呃小朋友，而店舖亦隨即發出道歉聲明，指「同事扣起了部分號碼紙」，但大部份網民對解釋都不受落。
【電玩遊戲】
稍早前一名港媽表示自己帶同女兒，到荃灣愉景新城一間店舖玩抽啷啷。遊戲 20 元可抽 3 次，不料抽了 2、300 元，還是只中細啷啷。港媽最初以為自己運滯，但見扭蛋機所餘不多，便問店員是否真的可以抽中大啷啷。店員回答必定有，港媽便決定索性「打爆機」抽盡所有扭蛋，最終發現沒有任何一個號碼可以抽中大啷啷，而 8 個大啷啷依然懸掛在紙板上。
港媽馬上質疑店舖欺騙，表示：「我知你哋要賺錢，但放返一粒半粒等小朋友開心下都好吖！依家你話一定有，我前後扭咗起碼 70 幾粒波都無囉！到最後嬲嬲地扭哂你個啲波，點知都係無！原來都係呃人既，細嘅就有得扭，大嘅就無再 refill 番啲波入去畀人中，真心嬲！」港媽又稱並非要追究，而是不想其他消費者也被欺騙。最後店員係無辦法解釋，唯有把餘下的啷啷都給港媽。後來港媽又補充，重點是店舖欺騙小朋友的童真，令女兒多了一個「好難忘」的童年回憶。
時隔數小時後，店舖在其 Facebook 專頁道歉及解釋：「這個遊戲我們已經玩了一段時間，也曾經為大家帶來不少歡樂！但從來未想過發生這種事，我們也很驚訝！當向店同事了解之後，發覺是同事扣起了部分號碼紙，沒有全部放入機內。美樂士多責無旁貸，絕對是我們的過失！管理不善！再次向客人致歉。」
不過網民對解釋似乎不太受落，更有人認為老闆將責任推卸給員工，留言包括：「冇嘢呀，啲啷啷頂多咪值幾蚊，咁都要呃小朋友錢，正無良奸商」、「戇居，老細唔 say yes，點會無啦啦扣起啲大㗎，啲錢都唔係入條友袋」、「所以唔使賠返錢？不良經營手法係咪應該報海關？」、「抽獎呢d講個信字，人哋信你先畀錢去抽，抽得當然想中大獎，唔係只求歡樂，如今竟然使用不誠實的手法，無論是什麼理由都不能接受，至少應退錢給曾抽獎的人士，不是致歉就了事」、「10 蚊一次都有賺啦，咁都仲要抽起大奬，賺錢賺都咁盡咁 cheap，打住香港情懷嚟呃人，好反感」等。
【網絡熱話】
【網絡熱話】
Source：Jennifer Ma、美樂士多