樓上個馬桶就快掉下來，可以點樣算？這是一件非常嚴肅的事。喂大佬！樓上個馬桶就快跌落嚟喎！網民 bobomango 日前在香港討論區發帖，題為「求助! 樓上個馬桶就黎跌落黎」，樓主表示管理處已通知樓上業主，但樓上業主表示「唔關佢事」，管理處叫樓主向食環署求助。樓主隨帖子附圖（如下），有圖有真相，從圖片目測，天花板疑似就快爆裂。樓主江湖救急，遂發帖向網民求助。
「管理處叫我打俾食環署」
樓主在帖子表示：「下面有相! 我通知左管理處, 管理處通知左樓上業主。樓上業主只係睇相就話唔關佢事，管理處又唔知點解叫我自己打比食環署處理。請問我可以點做? thx!」
【精選消息】
1823、屋宇署
樓主補充：「係呀,上 2 年已經有, 但冇咁嚴重。上年通知過管理處,冇人理,不了了之。尋晚見到有石灰跌落來,我覺得無論邊個出錢, 點都要處理好先安心」、「打左去 1823,職員已代為報警,因有關部門今日放假, 要聽日先可以轉介」。
樓上馬桶就快墮落，吸引不少網民關注，紛紛讚好。截稿前，帖子已贏得 59,390 個點擊率，370 個回應。
有網民擔心：「危樓」、「相當危險」、「嘩！ 好誇張, 跌落嚟會死人喎, 管理處無可能唔理, 報警得唔得？」樓主回應：「管理處比張紙仔我,叫我打 1823 比食環署，其實應該係屋宇署」。
網民：石屎老化
有網民分析：「明顯的石屎老化，關滲出咩事」；「睇相似係天花石屎剝落, 樓面應該未穿, 應立即將鬆脫石屎移除, 以免石屎跌下傷人, 如不是樓上漏水引致, 樓下單位只有自費維修」。
【精選消息】
有網民問：「有無買家居保? 如果有，就易攪，同保險公司講。而家咁嚴重，你大把野可以 claim 保險公司，再等保險公司自己同樓上慢慢玩。」樓主：「冇呀！」
「警察做得乜」
有網民慨嘆：「民事野，警察可以做得 D 乜？樓上又 (暫時) 無犯法」，樓主：「係呀, 剛剛職員打來, 話警察同佢講係私人地方,佢地冇咩野可以做，叫暫時唔好用個洗手間。」另有網民建議：「留意，假如甩塊石屎落嚟，再話揼中你，弄到你有小小傷，你再報警，警察無得唔理啦！」
【精選消息】
其他網民留言，節錄如下：
- 得罪講句住新樓私樓就話巴閉姐。自住舊樓私樓我覺得慘過住公屋。都唔知點解咁多人睇唔起住公屋。。。
- 管理處話知你,最多同你通知樓上 要出錢整改say no
- 本身天花石屎老化,已經多年,不似今年才出現 未必一定漏水引起 依家點都要找師父移除石屎,無墮石危險先,再看看裏面有無濕
- 打去睇下點吖, 有即時危險喎, 或者佢哋有其他建議呢？不過怕冇人聽電話！
- 等得食環上來色粉測試,可能墮石意外己發生 兩樣都做,自已先搵師父看看,舊石處理先
- set 定個 cctv 長期錄影住果個位，錄低屎塔跌落黎嘅一刻
- 希望連埋馬桶跌落嚟嗰個會係後生裸女啦
- 凹到咁，跌落嚟一定是超級大肥婆
- 因住連人帶屎桶一齊跌落黎
- 樓上可能是上海仔
- 十成十一樓上係劏房
- 今次你真係食屎了
Source：香港討論區