10 大理由支持「屋企附近返工好幸福」網民:最好在家工作

| 柔之拔 | 17-10-2018 12:41 | |

超強颱風「山竹」與「港鐵信號系統大故障」先後「挑戰」香港人對返工的責任感,引致交通大癱瘓,令香港人在一個月演出兩次《返工》。不過,唔是所有香港人都需要演出《返工》的。網民「韓國第一智將」日前在 LIHKG 討論區發帖,題為「屋企附近返工真係好幸福」。自爆撈個文員仔只有 14k 人工的樓主,在帖子列出 10 個「屋企附近返工」的好處,在鍵盤世界積極推動,提倡「屋企附近返工」。睇到小記與廣大網民心癢難耐。

樓主 10 個理由支持「屋企附近返工真係好幸福」

1】唔同港豬逼巴士

雖然做文員仔人工只得 14K 咁多,但一諗到返工可以行路就好幸福。唔使同班港豬逼巴士地鐵

【精選消息】【霍金遺作】新書 3 大預言:超人摧毀人類、A.I. 是上帝、地球會滅亡

2】省車錢

又可以省車錢,張八達通一直都無過

3】返屋企吔飯 

Lunch Time 又可以返屋企食住家飯,屋企自給自足唔洗比家用又省一畢

4】不用太早起

又唔使咁早起身,8 點零起身就得

5】6 點零就返到屋企

人工低職位低所以公司都唔會要我 ot,盡(編按:準)時放工 6 點零就返到屋企可以休息

【精選消息】絲打哭訴變態港女上司 4 宗罪 網民:將冰山劈開

6】每月多出 33 小時私人時間

雖然搭車返工都差嗰個零鐘,但每日咁計係好多架。如果返工平均來回 1.5 個鐘,試諗下一個月返 22 日,即係你一個月多咗 33 個鐘做自己鐘意做既野!

7】返工前跑步做 gym

我依家返工前都會落街跑下步,落會所做下 gym

8】心情好

心情愉快咗好多!屋企附近返工真係無_敵(文字經過處理)!做人返工開心真係最最最緊要!

9】身體好

身體亦都健康咗好多!仲有食住家飯冇高糖高鹽,又多菜;得閒做下運動,半年瘦咗 7~8 磅

10】見家人

樓主坦言:「無打算結婚生仔簡直係 dream job」。不過有網民回應,即使有結婚生仔,都係 dream job,因為可以盡早回家享天倫之樂:「有結婚生子都係 dream job。老婆想見你返工都見到得閒攞湯樓下過你飲 仔女想見爸爸搭程 lift 又到 放工唔洗 5 分鐘即刻返到屋企慰妻、食飯搭車慳唔少、又可以比多兩千做家用。」

【精選消息】【上班見聞】網民熱論 30 年來幼稚園與大學畢業生的反比變化

樓主在文末表示:「屋企附近返工真係無_敵(文字經過處理)!做人返工開心真係最最最緊要!」截稿前,帖子贏得 1,427 個正評,34 個負評。

網民甲不屑:「你估我唔想公司係屋企隔離咩 最好在家工作添」。樓主:「我都想, 不過有幾可會 home office 所以我話公司係屋企附近已經好幸福。」網民丙:「我係,我係自己樓下做保安。」網民丁:「其實我都有諗過座頭啲看更會唔會都係住返自己棟樓。」

網民乙也不屑:「落會所做下 gym 根本就唔_憂做(文字經過處理)」。樓主:「唔做我都會餓死」。

樓主表示落會所做 gym,有網民對「會所」表示問號。即被其他網民「護駕」:「會所都出奇? 個個住公屋咩?」、「脷伸住私樓。」

 

Source:LIHKG討論區

相關文章

Page 1 of 21