特首林鄭月娥已經發表任內第二份施政報告，其中重點「明日大嶼願景」計劃，預料斥資數千億（約 50% 香港庫房），工作目標是在東大嶼興建 1700 公頃人工島，興建 70% 公營與 30% 私營房屋，最多可容納 110 萬人居住。該計劃引來社會及鍵盤世界極大迴響，又以震怒負評為主。有網民索性在討論區發帖，集思廣益，呼籲巴絲集體創作長輩圖，從長輩入手，理性分析「明日大嶼」對香港的影響。
網民「安祖方嘉」日前在 LIHKG 討論區發帖，題為「【明日大嶼一萬億】一齊創作長輩圖宣傳」。樓主表示：「鑑於林鄭月娥施政報告太垃圾，同埋 CCTVB 隱惡揚善，所以決定整長輩圖。」
【精選消息】
樓主表示要幫手將「明日大嶼」呢個終極大白象宣傳開去：「等一班淨係睇 CCTVB 嘅無知老人同埋婦孺，都可以知道呢件荒謬絕倫嘅事。」
樓主搶先創作：「拋舊磚先，等其他巴打接力。」隨帖子附有長輩圖如下：
樓主的長輩圖創作，幾乎跟足原著；充滿傳統長輩圖的神髓，又可帶出「明日大嶼」對樓主而言有幾荒謬的訊息。截稿前，帖子贏得 1087 個正評，17 個負評。不少網民踴躍回應，兼接力創作，上載多張充滿幽默不失內涵的「明日大嶼」長輩圖。
【精選消息】
溫提，在自由民主的香港鍵盤世界，當然能夠包括不同意見，包括「冇建設性回覆」。有網民直指：「冇建設回覆：太抽水成分，send 出去都冇人會認真睇，長輩依家鐘意睇簡單易明既短文多」。樓主大方回應：「唔緊要 我都係純粹 brainstorm 下，等其他巴打做多啲高質圖」。
另有網民建議：「搵人試下整 YouTube 果 d 字幕片，再加 siri 發音，依家廢老興睇呢 d 片」、「果啲_片真係世界級（文字經過處理）」、「識用一定係用蓮花圖，長輩睇開有感情」。
其他網民留言：「填海造地成萬億，香港長者冇得益」、「萬億人工島，長者用唔到；派福利仲好，政府要檢討」。
無論如何，網民向長輩及婦孺，用圖講解「明日大嶼」的問題，設計吸睛，款款認真，不失諧趣，仔細欣賞。
有網民表示：「唔好用黃色，啲廢老一見到黃色就話係黃屍作野」、「同埋個 style 唔夠岩廢老口味，d 廢老會一睇就知係後生整之後唔認同」、「希望有更多創作！」。
網民：「暫時呢張最好 巴打好波 啱啱俾呢張我個藍絲親戚睇 佢拍唒枱話政府唔應該 又_佢老母又成咁（文字經過處理）」。
【精選消息】
網民：「erm」。
【精選消息】
網民：「雖然唔係長輩圖」。
【精選消息】
樓主：「再嚟 嘗試將生果金同一萬億扣連一齊」。
網民：「太多字了，老人家唔會睇的」。
網民：「Less is more」。
網民：「填海造地成萬億，香港長者冇得益」。
樓主：「參考咗巴打意見」。
樓主：「嘗試加入長輩關心嘅元素。」
有網民突破盲腸：「啲長輩唔似我地成日 skip 野，佢地見到呢啲圖會調轉慢慢睇遂隻字啄。所以我覺得可以俾少少 example，好似上面講個一萬億可以分到幾多生果金。因為太短佢地睇完幾隻字自己都唔識再上網搵多啲資料，所以我地俾埋數字佢地佢地就信到次十足十仲幫手 share」。
Source：LIHKG討論區