高鐵復興號駛入西九站 8 號月台 疑車身脹爆無法打開車門 譚文豪:低級錯誤

| 柔之拔 | 27-09-2018 23:43 | |

高鐵復興號疑似車身脹爆,駛入西九站 8 號月台,礙於月台與車身之間的空隙太窄,未能打開車門?這是一件嚴肅的事。立法會議員譚文豪 Jeremy Tam 剛在 Facebook 個人專頁最新發帖,題為「【矛盾大對決】高鐵復興號 VS 西九站 8 號月台」。譚議員指收到高鐵內部消息,表示在 9 月 26 日昨天早上,一輛高鐵復興號駛入西九站 8 號月台,疑月台與車身之間的空隙太窄(請小心列車與月台間之空隙,Pls mind the gap...),未能打開車門,結果要被迫轉往 6 號月台。譚文豪質疑高鐵西九站月台設計有問題,直指港鐵應該公開交代。

涉事高鐵列車圖片,月台與列車之間的空隙太少,開唔到車門呀乖乖!(圖片由譚文豪提供)

【精選消息】男友賭波輸身家 要求港女預支結婚禮金 網民:當然 say no!

「空隙太少,卡住咗度車門」

譚文豪議員在帖子表示:「有無試過訂造隻衣櫃,造大咗入唔到門口?尋日同樣嘅低級錯誤發生咗係我哋偉大嘅『千億高鐵』身上!」

小記花生咬一口,專心聆聽。

譚議員續稱:「我今日再次收到高鐵內部消息指尋日 10 時 45 分,有一班內地復興號列車駛入西九龍站 8 號月台,突然發現無法正常打開車門。點解呢?原來係月台同列車中間嘅空隙太少,卡住咗度車門,最終要轉去其他月台!」

【精選消息】阿爺家要求巴打父子一起俾家用諗住攤牌 網民:你又唔係佢親生,唔洗交代

港鐵斬腳趾避沙蟲

他質疑高鐵月台設計有問題:「按常理,西九龍站月台設計理應容許所有型號高鐵列車入站,但係事實證明而家個設計係有問題。事後港鐵亦『斬腳趾避沙蟲』,發出內部指引令所有復興號列車必須使用 6 號月台。」

「港鐵應該公開交代」

今次事故到底是因為設計有缺陷抑或因為趕工而粗製濫造?譚文豪直指:「港鐵應該公開交待。」

【精選消息】網民嚴選 10 個用英文多過中文表達的生字 網民:同朕 check 下

網民:你個嘢壞咗呀

截稿前,帖子贏得 574 個 emoji 心情、59 個回應、204 則分享。網民留言,節錄如下:

  • 你個嘢壞咗呀!
  • 呢啲咪衝出嚟 7
  • 我覺得係冷縮熱漲嘅原因 正苦對高鐵太有熱忱 市民喺月台太過冷漠
  • 根據滴水而不是漏水的邏輯 ,現在只係唔夠暢順而不是頂住
  • 正中一國二製
  • 用得果一千億,係咁上下啦。
  • 掉番轉諗 可能唔係港鐵問題...而係高鐵好大機會 架架列車就算同形號個尺寸大細都有參差 呢樣野大陸製造黎講,唔出奇 大陸 d 質量大家明嫁啦
  • 都無人搭,開唔開門無乜所謂啦

立法會議員譚文豪在 Facebook 專頁最新發帖,指高鐵列車未能在西九站 8 號月台打開車門,原因是月台與列車之間的空隙太少。

 

Source:facebook@譚文豪JeremyTam

相關文章

Page 1 of 21