中年下屬人工少兩倍但有樓已婚等退休 青年上司慨嘆:個天玩緊 80 後

| 柔之拔 | 23-09-2018 17:56 | |
中年下屬人工少兩倍但有樓已婚等退休 青年上司慨嘆:個天玩緊 80 後

年輕上司人工高,卻葡萄中年下屬已婚有樓?日前有 80 後網民「會員槙野智章」在討論區訴苦,表示最近聘了一個人工比自己低兩倍的中年下屬,然而下屬已婚有樓等退休,高薪上司慨嘆連下屬的自置物業都無法負擔!

網民「會員槙野智章」發帖,題為「最近請咗個新同事 under 我,心明真係事勢做英雄」。樓主在帖子表示:「我 30 頭,做跨國大公司,剛剛升到管理層,最近請多個同事幫我手,請咗個 40 頭男人,已婚有仔女。」

80 後年輕有為咪幾好!小記花生咬一口,專心聆聽。

【精選消息】

樓主續稱:「請佢,其實出手幾低,出 20k x 14 個月,要 2 年經驗,唔一定要 degree。佢上一份工,做咗 4 年得 20k....接近無加過。」

葡萄樓主,續爆下屬大鑊:「但佢 2008 年,即係當年 30 頭,已經買咗藍澄灣,百幾萬....佢人工得萬中都買得起,供幾千蚊....之後佢換埋麗城花園住大 d...都係兩球幾...今時今日已經成 8 球.....」

爆得興奮,樓主自爆:「我作為佢上司,人工高佢一倍,但我連佢個單位都買唔起。佢都老實講,人工兩萬夠哂洗,供樓幾千攪掂,等退休....個天真係玩緊 80 中後...」




樓主補充:「未計 bouns,計埋其實我高佢 2 倍,已經唔敢接受現實」。

【精選消息】

【精選消息】

網民:鬼叫你認為冇樓唔得

峰迴路轉,高薪年青上司葡萄低薪中年下屬,呻 80 後遭天耍,時勢做英雄,獲得不少網民讚好!截稿前,帖子贏得 2510 個正評,22 個負評。

有網民表示:「vv 鬼叫你地認為冇樓就唔得」,樓主回應:「咁遲早都要住,係咪先」。

有網民惡搞:「炒左佢,等佢中年失業。」樓主認真:「炒咗佢,佢都唔擔心」,有網民認同:「炒佢都無咩用 佢是但搵份看更工都係差唔多生活品質」。

有網民反對:「我都係 30 頭,但 20 頭屋企人已經幫我買左層樓,而家都係供幾千蚊,同輩而家都買唔起我層樓。所以都唔一定關時勢事」,樓主小丑猥瑣笑:「咁都唔係時勢事係咩事?」

 

Source:LIHKG討論區

相關文章

Page 1 of 11