【山竹善後】婆婆刀仔鋸大樹究竟為乜 網民:放衣櫃防蟲

| 柔之拔 | 19-09-2018 12:15 | |

‎超強颱風「山竹」日前襲港,香港多區受到嚴重破壞,元氣大傷。「山竹」襲港翌日,有責任感的香港人,除了演出《返工》與《放工》之外,不少市民更自發組隊,到街上協助清潔工清理垃圾,移走大樹,讓行人與行車皆路路暢通。不少網民在社交網站出帖貼圖瘋傳這些好人好事。但有網民卻發現了婆婆用刀仔鋸大樹,所謂何事?

壯男用電鋸 婆婆揸刀仔

網民 Kidd Lo‎ 日前在面書群組「巴打絲打 Facebook Club」發帖,在帖子表示:「婆婆係想幫手,但呢把刀係冇乜用」;隨帖子上載兩張圖片(如下)。從圖片目測,幾個市民在街上努力清理倒塌大樹,有壯男用電鋸,有婆婆揸……疑似水果刀仔?

【相關報道】【睇片】香港早晨音樂遭網民惡搞譜詞 返工必唱〈香港早抖〉

「山竹」善後,壯男用電鋸,婆婆用刀仔,相映成趣。有網民直指:「重點係 Michael Jordan」(壯男右腳)。

「山竹」善後,壯男用電鋸,婆婆用刀仔,大家都係幫手啫。

截稿前,帖子贏得 2,036 個 emoji 心情、346 個回應、162 則分享。不少網民直指婆婆「刀仔鋸大樹」、「阿婆當年對抗日軍都係靠佢咋」、「好過用指甲銼」、「眾志成城. 阿婆刀仔鋸大樹. 有心有力. 值得嘉許.」、「連婆婆都願意出一分力 你個 19 政府喺度 jmly?嘆緊冷氣?dllm」。

【相關報道】【山竹之後】網傳超強颱風中秋襲港 天文台:假資料

網民:婆婆刮樟樹木放衣櫃防蟲

另有網民突破盲腸:「呢棵係樟樹,老一輩係用佢啲木放喺衣櫃防蟲,新一代唔知,唔學都得個知字,唔好樣樣都攞嚟笑。攞把刀仔切啲木碎放喺網袋都得,咁婆婆用把刀仔刮有乜問題?佢又唔係去破壞棵未塌嘅樹。大家可以 Google 認識吓樟木頭嘅功用。越近根部啲味越香濃,婆婆識貨,抵讚,不過要小心啲呀。」

網民:「好明顯個呀婆係汁啲碎番去放衣櫃啦,仲鋤緊。」

【相關報道】【貿易戰】傳中國禁售 iPhone 生產零件予美國製造商 Apple

其他網民留言,節錄如下:

  • 人地鋸走 d 木咋
  • 佢係咪批樹根番去做藥材?
  • Sorry, 忍唔住笑,婆婆似係想鋸一塊檀香樹
  • 又唔好咁 mean 可能佢咁既年紀都想出一分力姐 大把拎唔到咪拎細把 有冇其他用意唔諗啦
  • 比警察查牌會唔會告持有攻擊性武器
  • 阿婆識玩,緊係刀仔鋸大樹,搏一搏單車變摩托

 

Source:KiddLo‎@巴打絲打FacebookClub

相關文章

Page 1 of 21