山竹過後交通近癱瘓要返工 網民鬧爆:個政府離晒地

| Hin | 17-09-2018 12:46 | |
山竹過後交通近癱瘓要返工  網民鬧爆:個政府離晒地

超強颱風山竹過後,香港天文台在今早 6 點前改發 3 號強風信號,再加上政府只宣布各大中小學及大專院校停課 1 天,意味今早一大批市民要如常返工。之不過,由於颱風山竹做成多處破壞,部分公路、道路均受塌樹所影響,又未能及時清理,因此各區交通大受影響,當中港鐵來往大埔墟站至上水站的列車服務暫停,九巴亦只能提供有限度服務,而新巴城巴更未恢復通車。

單單東鐵沿線多個站已有過千人排隊等上,而港鐵大圍站月台更出人逼人等車的震撼場面,還有上水至大埔的居民,因港鐵暫停服務而想盡辦法如何出市區返工。因此一眾網民均問及,為何不選擇在風暴過後停工一天,讓緊急人員可先清理塌樹等情況,好過現時大家無了期地等車上班。而特首林鄭月娥,在一個記者會當中,只是呼籲本港僱主亦要以體恤及靈活態度,處理僱員上班情況。

【精選消息】

【精選消息】

對此網民當然十分不滿,更指即使早前預早告知有「山竹」來襲,做了許多應變措施,但今次一落風球未及時清理,就要打工仔返工,可算是將之前的功勞「一鋪清袋」;更有網民謂「颱風山竹是天災,要萬人排隊返工是人禍。」有網民更留言反問政府,覺得無人返工下清理道路容易,還是大家人車爭路下清理路面塌樹容易!此外,有網民更謂「政府毫無應變能力」、「個政府離晒地」等。

山竹過後交通近癱瘓要返工  網民鬧爆:個政府離晒地

山竹過後交通近癱瘓要返工  網民鬧爆:個政府離晒地

部分網民留言

「東鐵都迫到爆,九龍塘站迫一個鐘都仲有排都未上到車。明知個交通情況係咁,啲官係咪諗多步都唔得」

「佢地鐵都唔識坐,點會知」

「好大喜功點知輸返轉頭」

「平時政府大把野都夾硬黎做,而家就話自由市場不干預」

「遲早民怨爆煲叫佢落台,做特首做到完全唔知民間發生咩事咁」

「條 X 婆咁離地 點會理解市民既需要呢」

「跨部門會議都係屎,佢以為個個都有私家車接送㗎嘛,八達通都唔識用就知啦」

Source:LIHKG

相關文章

Page 1 of 11