超強颱風「山竹」昨日終於殺到，「蹂躪」香港整天後在台山登陸。雖然山竹十分強大，帶來風暴潮讓部份地區陷入水浸、爆玻璃，然而香港大部分地區都一如以往，依家繼續有電有水，而通訊基本亦幾乎沒有影響，不少網民還能一邊上網一邊討論颱風對香港的影響。
有網巴打以「香港基建真係世界級」為題，指出：「咁_大風之下，通訊、供電、供水依然好穩定，大家仲可以用電話睇電視煮野食，地鐵仲可以有限度服務，堅係世界級，Proud of HK」一出帖就收穫 7,032 個 Like。巴打們出力大讚香港，十分難得。但想一想，其實也是可以理解的。畢竟 10 號風球山竹來勢洶洶，天文台早幾天就開始呼籲市民做防風措施，而政府亦有接送部份地區居民到安全地方，做足準備。到山竹真正殺到，港人經歷了心驚膽跳的 10 小時。雖然部份地區水浸嚴重、少量民居杏花村部分座數停水停電，但大部份地區的供水、供電都沒有受到影響，而通訊更是從未斷過。所以，相信很多港人昨日都在家安心上網、看電視，甚至煮飯、打機，幾乎不受影響。
【其他報道】
【其他報道】
而其他巴打都似乎頗為認同樓主，留言說：「今次真係要讚下香港」、「從天災帶黎既損害程度黎講，香港真係全世界最 NO.1 咁安全」、「機場咁多玻璃，旅客仲可以安安全全咁滯留機場，以前啲基建好屈機」、「希望今次可以 0 傷亡，真係威出國際」、「大家而家仲可以安坐家中上連登 已經好好」、「人地國家要疏散，我地係屋企__」、「仲有大部份地區無水浸無山泥傾瀉」、「同一風力，你對比下全球有幾多個城市做到香港咁唔洗疏散又冇乜傷亡」不過亦有不少巴打補充，說：「係英國嘅基建，唔包括近代嘅」、「Proud of UK」、「英治時期下，起出黎既基建，質素衰極有個譜，仲要係用咗咁多年」、「你所講既基建 95% 都係回歸前及回歸期間起」、「幾十年前起落既公屋，超強颱風都可以冇事」笑著說：又「留名睇哩十年起啲基建」、「港豬澳大橋散未？」
最好笑是，有巴打嘲諷香港應對颱風做得這麼好，是：「為咗大家可以風後準時返工」、「只要聽日全港照常開工，已經可以全球吹捧」想不到竟然一語成讖。各位通過叢林陣、地鐵人潮，成功回到公司了嗎？
Source：Lihkg、經濟日報圖片庫