孝順仔陪港媽遊日本東京 7 天煩過乜 網民:帶老母去靖國神社

| 柔之拔 | 14-09-2018 06:53 | |

帶母親去旅行,本來是孝感動天的事,但現實與理想總有落差……網民「大香港精神」日前在 LIHKG 討論區發帖,題為「[玩命]同煩_港女老母去七日東京」(文字經過處理)。樓主剖白帶母親去日本東京旅行,與母親相處的經歷;樓主哭訴本想好好享受這個旅程,可是母親為他帶來很多麻煩,不知如何是好。如果你也準備與家母去旅行,樓主的遭遇,值得警剔。

樓主在帖子開首戴頭盔:「講明先,我唔係唔愛我老母,只係有時真係頂唔順佢啲思想同行為,所以希望有個位畀我分享吓咁。」小記花生咬一口,專心聆聽。

第一次與母親結伴同行

樓主交代緣何與母親遊日本東京。他說:「講返少少背景先,家母係個支持高鐵同愛國愛黨嘅中年婦女(你明係邊種啦 。自從上次同親戚去過大阪之後就心思思想去多次日本。但自己又唔識英文又唔想跟團啦,咁就想我帶佢去,自己就成程 unun 腳啦。」

樓主表示從未與母親二人外遊,原打算今次也是一家四口去東京。他解釋:「點知另外兩個唔去,咁我就要自己一個單拖啦。本身都唔係咁想去,感覺上阿仔帶老母感覺上唔係咁方便。但念在咁耐都無同佢去過旅行,盡吓孝道啦。點知係旅程未開程之前佢已經不斷煩我 。」

【精選消息】【睇片】印尼《火影忍者》真人版「曉」組織 cosplay 到處濟貧 政府力撐

未出發 每事問

樓主以對話方式,表達他與母親在這個旅程的相處。樓主表示,還未起程,母親就不斷問他,去日本浸溫泉,是否需要穿泳衣。

浸溫泉要著泳衣?

有一日
港媽:我想問浸溫泉係咪要著泳衣架?
樓主:日本浸溫泉要全裸架,毛巾都唔可以圍係身
港媽:吓?咁咪畀人睇蝕哂?
樓主:男女分開架
港媽:咁我諗吓先
第二日
港媽:你呃我啊?
樓主:咩啊?
港媽:我尋晚睇森美個節目,啲女仔都包條毛巾浸落去啦

樓主直指當時呆左三秒,已經唔知畀咩反應:「 咁你而家拍電視做主持人咩?」樓主表示港媽「口噏噏咁走咗」。

【精選消息】Casio 兩款全新 G-SHOCK 及 BABY-G 手錶 支援 app 計步健身功能

唔食海鮮 唔食 shabu shabu

樓主又提到港媽未出發已「揀飲擇食」:

港媽:啦!我唔食海鮮嗰啲架!
樓主:得啦得啦
港媽:仲有個啲咩爛鬼 shabu shabu 啊我都唔食架
樓主:咁你有啲咩想食架
港媽:唔知喎
樓主:拉麵?文字燒?甜品?燒肉?
港媽:有乜好食啊個啲
樓主:咁你不如去到食吉野家算啦 
港媽:唉!所以幾時都係中國菜好! 

樓主心想:「咁你成程去食中華料理算啦_(文字經過處理)。」

去機場轉好多車

終於,母子出發去機場。可是,樓主大呻港媽「又嫌要轉好多轉車,自己漏咗啲嘢又話係因為我催佢咁,不過我都忍。但我知道佢無咁快收手。今日架機一落到日本,佢已經開始發揮佢作為種族主義者嘅本色!佢對住機場啲外藉工人話『嘩!估唔到日本都有咁多外勞喎!』。」

樓主指母親「去到入境嗰到第一件事問我嘅就係,『「又話啲日本人好細粒嘅?個個都高個我咁嘅』。之後我地座 NEX 出市區,佢無啦啦帶口罩,咁我就好奇啦因為佢坐飛機個陣都無帶,佢就用一個和藹可親嘅微笑住指一指前面,係一個黑人,而個黑人係無味囉!RACISTTTTTT!」

【精選消息】巴打表態唔追新手機「大獲正評」網民:Smartphone 發展已到樽頸

唔幫老母買飯糰

樓主表示發帖的時候仍在乘搭 NEX,食緊七仔飯糰。他指家母問為何不多買一個飯糰讓她吃。

樓主:我入閘之前問咗你餓唔餓架喎?你話唔餓嘅?
港媽:咁我而家上咗車覺得餓啊嘛

樓主終於哭崩:「我已經幻想唔到我呢幾日仲要聽多幾多次呢啲令我反白眼嘅說話 我想好好享受呢個旅程(哭崩 icon)。」

港媽金句多

去到酒店 check in 同搵嘢食,樓主表示:「佢繼續說日本人好矮,同埋繼續話我唔幫佢買嘢食,同埋繼續嫌三嫌西。」樓主清楚記錄港媽每一句金句:

  • 間房好細囉!個廁所好細囉!無抽氣扇囉!
  • 條街好多垃圾囉!
  • 我覺得日本啲餐廳動作好慢,間舖都好細囉!
  • 下次唔好預我啦!
  • 我覺得日本啲空氣好過香港
  • 你唔好崇外啦!
  • 嘖嘖嘖~

孝順仔陪港媽遊日本東京 7 天

樓主慘訴:「我之前都係同朋友同學個啲去旅行,未試過咁想返酒店。我已經係樓下 familymart 買咗罐啤酒諗住今晩灌醉自己。」

家母今日唯一讚日本嘅事:

  •  日本佬啲木筷子幾好,唔似大陸個啲漂到白哂

樓主發帖分享港媽如何麻煩,網民紛紛讚好。截稿前,帖子已贏得 2,658 個正評,20 個負評。

與麻煩港媽去日本東京 7 天,點樣算?網民意見,節錄如下:

  • 仲要去七日咁長?日日去新宿啲商場算啦
  • 帶老母去靖國神社
  • _你老母咁愛國去日本做乜_?帶佢番大灣區啦(文字經過處理)
  • 就咁睇對話都 feel 到個種黑臉臭_格(文字經過處理)
  • 老婆有得揀,老母冇得揀 你當前世欠佢今世還 巴打 RIP

 

 

Source:LIHKG討論區

相關文章

Page 1 of 20