超筍 4G Plan HK$35/1GB 埋單價!送大陸號碼 + 數據

| 阿美 | 06-09-2018 18:38 | |

4G 上網 Plan 又劈價!今次接力嘅係中國聯通香港 CUniq,HK$35 就可以玩 1GB 4G 全速 Plan、HK$70 玩 5G 4G 21Mbps Plan。兩個 Plan 網上簽約,仲可於合約期內送大陸號碼及大陸數據,用信用卡做自動轉賬,更可豁免行政費,筍!

超筍 1GB Plan

HK$35 嘅係「本地 4G 數據不清零計劃」,每月包 1,600 分鐘通話、1GB 本地數據及 50MB 大陸數據,本地及大陸數據均為 4G 全速網絡,惟數據用完即停,需要繼續使用數據的話,便要入 Code 申請,本地其後數據每 500MB 收 HK$30,大陸其後數據每 500MB 收 HK$50,其後數據限於當月月結單期內有效。

「本地 4G 數據不清零計劃」的特色之一,是月費包含的本地及大陸數據,未用完的話可累積至下月使用,惟累積之數據不能再帶到第 3 個月。

【相關消息】【抵玩】中港澳上網卡HK$19!大陸上網免翻牆玩 FB

【相關消息】聯通+移動雙網絡!大陸高用量 4G 免翻牆上網卡

每月 HK$35 提供 1GB 本地 4G 數據,上台而言,免行政費都已經好抵。

5GB Plan 再劈價

HK$70 的是「本地 4G 數據無憂計劃」,提供每月 3,200 本地通話,首 5GB 網速為 4G 21Mbps,其後可以 128kbps 限速任用,並設 80MB 大陸數據,大陸其後數據每 400MB 收 HK$50。此 Plan 每月剩餘的本地及大陸數據不可累積至下月使用。

HK$70 有 5GB Plan,包大陸數據及大陸號碼,平!

網上簽約免行政費

兩個服務計劃都要簽約 24 個月,若使用信用卡自動轉賬,豁免 HK$18 行政費;用戶更可於合約期內,免費選用 1 個大陸號碼,合約期後每月收 HK$10。

中國聯通香港 CUniq 是以 MVNO 方式在本港提供流動網絡服務,手機訊號租用 3HK 網絡,數據會經由中國聯通香港 CUniq 的自家伺服器傳輸,惟該公司的自家伺服器今年曾兩度出現故障,令用戶無法使用數據及語音通話。

Source:ezone.hk

相關文章

Page 1 of 21