劉德華演唱會門票瘋炒!黃牛飛 HK$980 變 HK$38888

| Siu Yeung | 05-09-2018 15:08 | |

香港演唱會的黃牛票問題頗為嚴重,早前開售的 20 場「My Love Andy Lau 劉德華 World Tour」門票,於昨天早上迅速售罄。在 facebook 各大演唱會門票群組,亦立刻出場炒價,其中最誇張的,竟由 980 港元炒至 38,888 港元。

【Apps 情報】邊旅行邊搵錢?AirWayBill 旅行代購 App 賺佣金幫補旅費

【網絡熱話】代購店聲稱獲政府百萬資助!網民怒:公然資助黃牛黨?

早前 My Love Andy Lau 劉德華 World Tour 在 facebook 專頁宣布,不設售票處售票,只設網上、流動應用程式及信用卡電話訂購,昨天開售時,城市電腦售票網站幾乎完全癱瘓,不少歌迷投訴售票網難以進入,而且似乎無法打擊炒風,在 facebook 各大演唱會門票群組,門票至少比原價貴兩、三倍,當中又以 12 月 3 日至 1 月 3 日最後五場更誇張,最貴門票炒至近 4,000 港元一張,尾場最貴的 A 區握手位,叫價近 3、4 萬港元。

劉德華演唱會門票炒價,至少比原價貴兩、三倍。

至於粉絲方面,不少人都留言抱怨,並要求門票實名制:「一開始話不設售票處公開賣飛,但又不實施實名制,大會真係覺得真正想睇的市民會買到正價票入場欣賞到演唱會嗎?!今日事實證明左......大部分真正想睇的人。買。唔。到。飛!」、「60000 張公開發售票,有幾多張是真正香港人買到?world tour 香港站點解吾比多 D 香港人睇?用香港身分證實名登記吾得咩?一樣失望,由 9 點 50 分至到 4 點,幾部機幾部電話都 login 唔到,算啦!咁多票主辦單位要晒,機會太微了!」、「朝早 10 點登入到下午 4 點未試過入到,上網買仲慘過排隊,排隊最多俾人斬啫,我都仲知自己排第幾呀。上網買啲黃牛有晒駭客程式佔線,我連自己有冇機會都唔知,想放棄都唔得,唯有無了期咁 F5」等。

Source:Andy World Club (non-OFFICIAL) - 華仔天地、My Love Andy Lau 劉德華 World Tour、演唱會門票買賣專區 買飛 賣飛

相關文章

Page 1 of 21