港鐵西鐵線列車延誤通告驚現「美乎王站」! 網民:MTR 成功轉移視線

| Kay | 05-09-2018 14:43 | |

今早(9 月 5 日)多間本地傳媒都有報道港鐵西鐵線故障,列車服務受阻的消息。至於乘客可以怎樣得知港鐵站內的最新車務狀況呢?就得靠站內通知欄,留意最新情況。站內通知欄的資料如若準確,乘客固然減少憂慮,但有網民發現今早在港鐵站內的西鐵列車服務通告,竟然驚現「南晶站」、「枯士甸站」、「美乎站」、「美乎王站」等特別字眼,讓一眾港鐵乘客黑人問號上身,紛紛百思不得其解!

【精選消息】高鐵西九龍站內地人員膳食費港鐵埋單!HK$100 一個飯盒網民閙爆

【精選消息】香港電訊建議港鐵範圍開放 700MHz 頻段!作流動通訊用疏導網絡擠塞

在香港人「睇人 XX 最開心」的生活習性下,見到港鐵西鐵線列車延誤通告這麼多錯字,當然也以 9 秒 9 速度,極速衝出來恥笑一番。有網民笑指:「美乎王真係好過份吓」,以及笑言之後的車站名字,定有「王大仙」、「石夾尾」、「鰂魚湧」的份兒,只是視乎港鐵何時會再做膠事。事實上,以上港鐵西鐵線列車延誤通告的錯字,當真一個都嫌多,因此有網民留言表示不滿。網民鬧爆:「呢啲唔係應該有 template 嘅咩?」、「垃圾港鐵」之外,更直問「出通告無人校對」?之不過,有巴打都抽水地講,要解決以上錯失,方法只有一個,就是加價,原因是「校對要請人,請人要錢,要錢就要加票價」。

精選網民留言:

  • 好搞笑,直頭眼殘,頭幾隻字已經錯
  • goodest chinese
  • 點解可以錯親都係站名
  • 美乎王真係好過份吓
  • 呢啲唔係應該有 template 嘅咩?
  • 用咩輸入法先可以打錯美孚做美乎王?
  • 出通告無人校對?
  • 校對要請人,請人要錢,要錢就要加票價
  • 咁講啦,你要口語就全口語,書面就全書面,臨尾整句唔同嘅好「銀」眼
  • MTR 已成功轉移大家嘅視線,無人會再討論佢又壞車

「南晶站」、「枯士甸站」、「美乎站」、「美乎王站」,到底是甚麼?

不少網民對於港鐵西鐵線列車延誤通告的錯字,當真一個都嫌多,有網民質疑「出通告無人校對」?

Source: hkgolden, lihkg

相關文章

Page 1 of 21