【拿刀威脅】兒子不務正業 與女友閃婚 母親上網求救:如何趕他們走

| 柔之拔 | 05-09-2018 01:14 | |

兒子不務正業,更用刀指向父母,點樣算?網民「憤怒的鳥兒」日前在香港討論區發帖,題為:「求救,兒子不愿工作,不務正業,又驚父母唔比佢同居,識佐條女就即刻冊,名正言順帶回家住!2 個唔比家用,唔做家務,怎麼可以趕佢地走??」冗長的標題,大概已把樓主的帖子撮要;兒子唔俾家用、唔做家務、與女友閃婚搬進父母家,母親似乎已忍無可忍,卻非常無助,遂發帖向網民求救,如何把兒子與媳婦趕走!

唔俾家用、唔做家務

樓主在帖子表示:「依家 d 後生女,粒聲唔出就話同佐我個仔結婚(21嵗),問都唔問我們的意見,就即刻搬入我屋企住,懶人一個,完全唔做家務,唔比家用,仲封鎖我 whatsapp,同埋唔會聽我地電話,家中用品,完全唔會買,當免費酒店咁住,請問,有什麼方法趕佢地走」。

【精選消息】秋來了!本周六日天氣轉涼 新界多區低見 21 度

母親年紀大、身體差

係咩驅使樓主趕個仔走呀?係愛定責任呀?樓主:「性格不合,想佢獨立,唔好再依賴父母」。她又自爆年紀大身體差:「我年紀大啦,身體又差,近年患佐怪病,全身的骨 關節和神經線都痛,醫生查唔出患了什麼病,處方了馬啡給我止痛,我每日都依然痛到想死。

樓主訴苦:「個仔同新抱又唔理我,唔照顧我,家用又唔比,當我屋企好似免費酒店咁住,仲搞到屋企污糟邋遢又唔清潔,我好反感,好唔開心,日日都同個仔吵架……令到我情緒好低落,開口趕佢地走多次,都唔走,話之你,更冇當我係佢親阿媽,佢搬走佐,我唔使煩咁多嘢,一定會開心好多,如果唔係,我遲早比佢地迫到我自殺」。

【精選消息】延禧攻略 iPhone 及 Android 清裝古風手機殼 多款任擇

從樓主的剖白,推測事態非常嚴重,母子關係跌至谷底。有網民表示:「當面講條件,最直接,襯後生比 d 壓力佢,如果吾係到佢去到中年就拎綜援,做大食懶」、「喺房屋文件手中 刪除佢個名 當然 要去房屋署做先合法」。

「拿刀對住父母」

有網民揶揄:「趕走?領養返來?」樓主認真:「領養返嚟都冇佢咁衰仔,曾經試過為條女 拿火機 開煤氣然後吹熄火,又拿刀對住父母威脅我地」、「我個仔癲癲地架,我老公話驚佢自殺哦想自殺個個係我啊!」

【精選消息】【甜片外洩】巴打手機投射 pornhub 到客廳大電視 父親:喂開番場華倫西亞比我睇呀!

其它網民留言,節錄如下:

  • 佢都幾無賴喎!樓主家有幾多房呀?比我可能會拆佢房門 等佢無私人空間 煮飯唔會煮佢地嗰份 洗衫嗰啲 唔會幫佢晾 再絕啲就叫老公打大赤 短褲仔在家走動 正常後生女都應該會唔中意麻麻甩 等佢自己想走
  • 換大門鎖
  • 仔細時唔教? 而家先來怨! 你個仔都廿幾歲啦,仲邊有得教! 只可講你自己攞黎,仲害社會多件垃圾
  • 看你打既中文,和講嘢語氣,感覺到樓主係年紀大

 

 

Source:香港討論區

相關文章

Page 1 of 21