劉德華演唱會 2018 門票開售 網民:難過買黃子華

| Kay | 04-09-2018 11:57 | |

今日(9 月 4 日)為劉德華演唱會 My Love Andy Lau World Tour 2018 門票的大日子,作為「民間特首」劉華迷的朋友,是時候努力撲飛!由於早前劉德華演唱會官方 FB 宣布今回劉德華演唱會 2018 門票開售,只會經網上、流動應用程式及信用卡電話訂購,不會安排於售票處售票,因此不少網民已開定電腦、電話,看看幸運之神有否眷顧大家買到門票,跟黃牛黨說不。到底一眾網民的撲飛情況如何呢?

【精選消息】劉德華拍片呼籲循正途購買演唱會門票 網民:香港警察開 page 以來,第一次正評

【精選消息】劉德華演唱會取消售票處賣飛!網民:果然係地下特首

一眾網民的撲飛情況如何,簡單而言就是「一係買唔到,一係買到」。今日開售的劉德華演唱會 2018 門票數量不算多,同樣有「絕望座位表」的成份,所以有網民直言「我覺得難過子華,子華都有粒掣可以撳,今次全自動」,「成個鐘都未入到,仲係 3 2 1」,甚至有網民直斥「網頁版都轉埋 auto refresh,點夠機械人玩啊」,因此一眾還未成功撲飛的網民,都決定自留 Telegram,又或者出求票 post,祈求好心人打救。當中更發現原來不少網民是替父母求票,希望兩老能看到劉華演唱會,過個完滿的 2018 年,又或者為 2019 年帶來新開始,認真孝感動天!

之不過,也有網友認為這次劉華演唱會門票是更易購得,「放閃」留言數量都不少,更有成功買到門票的網友,可以幫其他巴絲打購票!當中有網民分享提到用 Firefox 會比 Chrome 瀏覽器更易進入購票頁面,如未購得門票的朋友,不妨試試這個「購票偏方」。 

精選網民留言:

仍然等運到

  • 完全入唔到......
  • 求兩張 980,邊日都得
  • 等運到嘅感覺好差
  • 已經半個鐘,重未入到一次
  • 想孝順下父母都唔得
  • 網站完全入不去和打不到電話
  • hang 咗係畀錢果到
  • 又死 server
  • 321 321 321 由九點半到而家......

成功人士組

  • 撳到 4 張 980,真係等 3 2 1 好運入到去
  • 今次好易入已經買左 12 張,無晒信用卡可以用
  • 已買四張第一場 580
  • 成功 24/12,$580 x 4
  • 買左 4x980 + 4x580,31/12 全自用
  • 成功第 2 場 4 連 980
  • 買咗 1 月 1 980
  • 25 號 580
  • 580 都得好後,3x 行照殺咗

由於早前劉德華演唱會官方 FB 宣布劉華演唱會門票開售,只會經網上、流動應用程式及信用卡電話訂購,不會安排於售票處售票,因此今早不少網民已開定電腦、電話,看看幸運之神有否眷顧!

老實講,今日開售的劉德華演唱會 2018 門票數量不算多,同樣有「絕望座位表」的成份。

反而 12 月 30 日、1 月 1 日及 1 月 2 日的門票數量較多,未未購得門票的朋友不妨考慮。

一眾網民的撲飛情況如何,簡單而言就是「一係買唔到,一係買到」。不過原來不少網民是替父母求票,認真孝感動天。

Source: lihkg, My Love Andy Lau World Tour Facebook, TicketHK.com 香港演唱會門票網 Facebook

相關文章

Page 1 of 21