巴士車長要求乘客細聲傾電話反被斥為「狗」!霸氣車長一句 KO

| shiuhk | 03-09-2018 17:21 | |

大家最討厭在交通工具上遇到什麽煩擾的行爲?想必大聲講電話絕對會上榜。總有人喜歡在街上大大聲講電話,或是將話筒的聲音開到超大,讓身邊所有人都聽到談話内容。如果在密閉的地鐵車廂或是巴士小巴上這麽做,對其他乘客來説實在很滋擾。近日,一名巴士司機出聲要求乘客放輕音量,卻反被怒罵。結果,司機大佬一句就成功 KO 對方,被網民大讚!

有巴士司機在 Facebook 專頁「西客之道 HIspitality Secret」投稿,表示有一日開工遇上一個阿嬸,用「又尖又刺耳」的聲音全程講電話,令人十分煩厭。於是,司機大佬終於在埋站的時候出聲,讓對方「細聲啲」,因爲對方已經滋擾到他揸車:「你由車尾就嘈到車頭,樓上都聽得到你把聲,你一係就收線,一係就係我停埋部車比你傾飽佢」結果另一名乘客「護花」老伯就出聲,反駁司機說:「你開車就開車啦,巴士公司冇出糧比你咩」之後老伯更開罵:「你狗嚟架咋,收得人工就做嘢啦」可惜的是,司機大佬並沒有被嚇怕,反而霸氣回覆一句:「巴士狗揸車比狗撘呀,而家有邊位趕時間自己落車啦,我唔可以專心繼續揸車」結果老伯敗走自己落車,而大嬸都終於收口,全車靜曬。

巴士司機投稿分享遇上「西客」的經歷

【熱門報道】九巴 9 月 1 日起推新月票計劃!容許自行選擇生效日期

【熱門報道】【有片】阿婆落錯站即被司機叫返上車!巴士司機爆粗都被網民讚「好有愛」

【熱門報道】九巴死氣喉噴火!網民笑言:跑車偏時點火系統

不少網民都瘋狂給 Like,大讚司機大佬:「司機英明做得啱,大快人心」、「車長好波,廢老真喺唔_過都唔識死」、「Well done,2 蚊狗話人」、「真心學以致用,向同業致敬」、「香港就係比依啲__破壞哂」、「根本就唔需要去尊重呢啲狗客」、「大聲講電話要罰 10 萬先有用架」!

有網民亦深有同感,指出:「我都唔明點解係響到樓下講野我坐樓上仲以為有人嘈交」、「香港都好多人搭車鐘意開 speaker,差不多每程車都有」、「俾果幾蚊當正自己大爺,當架巴士係佢地私人影院」、「大佬呀,耳機呢,cheap cheap 地20 蚊有條啦,冇人想聽你啲大陸劇囉」其實除了大聲講電話外,不用聽筒大聲播音樂、收音機,或是大聲地錄聲音訊息、再用擴音器播聲音訊息也是十分令人討厭的行爲。還有「剪指甲」、「用腳頂前面椅背」,甚至「家長同啲仔女開讀書會同才藝表演」等,都榜上有名。所以大家記得自律,不要讓自己成爲討厭的人吧。

不少網民都大讚司機做得好,認同交通工具上大聲講電話很討厭

Source:西客之道 HIspitality Secret

相關文章

Page 1 of 21