巴打親授一招防租霸成功經驗 網民:睇下有幾多人睬你

| 柔之拔 | 01-09-2018 15:01 | |

有樓收租,以為好醒?遇著租霸,問你怕未?有網民真係唔怕喔!網民「你好型就奇」日前在香港討論區發帖,題為「咩 4 招防租霸,超! 我 1 招攪掂」。樓主型到核爆,分享防租霸 1 招,豪言實戰堅 work!各位準租霸,及包租公包租婆,學嘢啦!

樓主在帖子表示:「本人媽媽有 4 間物業收租,都是 10 大藍籌屋苑。」

小記花生咬一口:又如何?

【精選消息】【畫出共鳴】譚仔米線超像真!19 歲大學生用木顏色爆紅網絡

樓主娓娓道來:「本人 5 年前開始替媽媽處理租務既事,而為免月月查戶口有無收租,浪費時間,所以 4 年前開始定立只接受 1 次過收 1 年租金及 2 個月按金,以平 5% 作誘因,及同租客講明鍾唔鍾意都要 1 年死約租 1 年,如果唔肯既 1 係無錢,1 係租霸,有時啲租霸 1 開始唔係諗住做租霸,可能係經濟問題」。

嘩!樓主豪言,咁既安排可以避免左租霸,因為:

  • 1. 租霸俾得相等 14 個月租金你,咁高成本做租霸機會低
  • 2. 經濟問題欠租解決

【精選消息】【抗侵權】香港蒙納字體 設計師激讚:價錢合理、終身授權使用

是咪 work 先?樓主分享戰績:「呢 4 年無遇過唔好既租客,個個都好好,唔係話呢個方法最好,但想做我租霸半年既話,我都要食左佢 14 個月租先,除返開都唔會太差,大家可以參考吓呢個方法。」

樓主想得完美:「收租又好,交租又好,一齊合作供滿樓。」他補充:「亦認識過業主會朋友申請租客破產成功。」

網民:你夠膽租俾大陸學生…

截稿前,帖子贏得 14,330 個點擊率、74 個回覆。至於是否可行,小記反正冇樓收租。有網民質疑:「但如果係沙頭角村屋...咁就三年都未必租得出...」、「錯!只要是平,喺呢個世代,係無地域界限的」。

「買租務保險咪得囉」

有網民不屑:「你得一間半間梗係咁講啦,我哋啲咁多間收租,間間都等一年先租呀?分分鐘等幾個月都冇人租」、「白痴,你睇下有幾多人彩你,人做業主你做業主,你算做得 on_,防租霸咪用小小錢買租務保險咪得囉弱智」(文字經過處理)。

有網民揶揄:「哈哈,老老實實,你夠膽既,租俾大陸大學生,一次性交 1 年,係佢地要求,唔洗業主開聲」。

有網民精算:「佢覺得自己好醒架 4 間大型屋苑當每間 $15000 每間平 5%=$750 一年 12 個月即 $9000 4 間就 $36000」

【精選消息】大陸少女瞞父母追夢 終成職業電競選手 網民狠批:教壞小孩

其它網民留言,節錄如下:

  • 又話先收 30 年 租 
  • 你又沒有沙头角村屋,管好自己先啦,巧多士。
  • 單身不租,家庭要兩個人頭 Id,工作地方
  • 如果係公仔佬業主,租霸都唔敢唔交租。
  • 遲 d 要收夠 2 年租金,先比租樓
  • 有租戶願意比一年租但業主都寧願逐個月收。反而樓主有呢個諗法,果然獨特

 

Source:香港討論區

相關文章

Page 1 of 18