3HK 嘅 MO SIM、SmarTone 嘅自由鳥 Birdie，都以抵玩月費兼無合約吸客！其實呢種模式，同玩儲值卡差唔多。csl. 有款儲值卡，最近就新推出抵玩 Plan，可以做到大約每月 HK$48 玩 4G 15GB 數據！
呢款儲值卡係針對外傭市場嘅 CSL Hemat，用 csl. 4G 網絡，最近新出咗個 HK$198 玩 3 個月無限上網 Plan，每月首 15GB（以每月 1 日至 31 日為 1 個月計算）速度為 3.6Mbps，其後限速 128kbps。就咁睇，以為 HK$198/3 個月要 HK$66/ 1 個月？非也，因增值會送 30% 儲值額，儲夠 5 張增值券又會送多 1 張增值券或超市禮券，所以留意下面計法吧！
大家可以買新號碼及增值券，以下例子會用手提電話直銷中心正價計算，部分報檔、東南亞雜貨店或會平 HK$1 至 HK$2。
【相關消息】MO SIM HK＄68 無合約玩 22GB 4.5G 全速數據兼送 5 日亞洲漫遊
【相關消息】SUN Mobile 激劈！HK＄100 玩 4G 21Mbps「真．無限」
玩法一：新卡約 HK48/月（玩半年計算）
Check 01 - 新卡 HK$38 = HK$38 儲值額（首 10 月每月贈送 200 分鐘本地通話）
Check 02 - 增值券 HK$50 x 5 會有 HK$65 x 5 儲值額
Check 03 - 5 張用完嘅 HK$50 增值券，可換 1 張 HK$50 增值券（暫時推廣期至 2018 年 9 月 30 日）
花費 HK$38 + 50 x 5 = HK$288，會有 HK$38 儲值額 +（HK$65 x 6）儲值額 = HK$428 儲值額
即可開 2 次 HK$198/3 個月無限上網 Plan，餘下 HK$32 儲值額。要留意的是，因 CSL Hemat 最長有效期為 90 日，贈送的增值券最好在使用 3 個月後才為 SIM 卡增值，令以上組合的 SIM 卡最終有效期，可達 6 個月。
玩法二：攜號轉台 HK$50/月（玩半年計算）
想沿用現有號碼，就可以去手提電話直銷中心攜號轉台（不適用於現有 csl. 客戶），轉台卡價免費，但須同時購買 HK$100 增值券。
Check 01 - 攜號轉台 HK$0 = HK$0 儲值額（首 10 月每月贈送 200 分鐘本地通話）
攜號轉台增值券 HK$100 會有 HK$130 儲值額
Check 02 - 增值券 HK$50 x 5 會有 HK$65 x 5 儲值額
Check 03 - 5 張用完嘅 HK$50 增值券，換 1 張 HK$50 超市現金券（暫時推廣期至 2018 年 9 月 30 日）
花費 HK$100 + 50 x 5 = HK$350，會有 HK$130 儲值額 +（HK$65 x 5）儲值額 = HK$455 儲值額
即可開 2 次 HK$198/3 個月無限上網 Plan，餘下 HK$59 儲值額。呢個計法係可以換超市禮券，令總成本減到 HK$300。同樣地，因 CSL Hemat 最長有效期為 90 日，先用晒購買的 HK$50 增值券換超市現金券，至於攜號轉台需要購買嘅 HK$100 增值券，就留返用 3 個月後為 SIM 卡增值，令以上組合的 SIM 卡最終有效期，可達 6 個月。
設澳門、大陸漫遊日費
CSL Hemat 首 10 月每月包 200 分鐘本地通話，餘額除了可用作繳付其後每分鐘 HK$0.03 至 HK$0.15 嘅通話費外，仲可以開新增嘅 HK$28/日漫遊數據 Plan，包 500MB 中國內地、澳門、台灣、菲律賓、印尼使用，當然大陸用係免翻牆啦！
另外，大家如果覺得 15GB 後速度太慢，亦可以選擇以 HK$18 儲值額，將該月的用量重設，即係重新計過 15GB。然而，玩 CSL Hemat 嘅首 15GB 速度係 4G 3.6Mbps，至於自由鳥 Birdie 係 HK$90 首 5GB 4G 21Mbps、MO SIM 係 HK$68 有 2GB 無限制 + 20GB 社交 4.5G 全速數據，大家會點揀？
Source：ezone.hk