YouTube 將推「強制觀看廣告」新政策 網民:對產品產生厭惡感

| Kay | 28-08-2018 10:04 | |

看 YouTube 影片前,或者在影片期間出現廣告,強制播放廣告 5 秒才能略過的情況,的確會擾亂觀眾觀賞影片的興致。之不過大家別以為現時 YouTube 這種 5 秒後可選擇略過廣告的做法,經已夠擾民,因為 YouTube 即將會更改以上廣告播放政策,將所有合作創作者的影片廣告格式,預設改為強制觀看廣告(non-skippable ad),而廣告長度也會延長為 15 至 20 秒。簡單而言,即是用家要強制觀看廣告的時間,由從前的 5 秒,延長至 20 秒。

【精選消息】華為 Nova 3 廣告被質疑造假!手機自拍其實是 DSLR?

【精選消息】Netflix 加廣告遭用戶批評

如果 YouTube「強制觀看廣告」新政策正式推行的話,相信一眾廣告商會成最後贏家,有更多的時間向觀眾推銷新產品,影響他們的購買欲。不過在網民眼中,YouTube 新政策似乎不得他們的歡心,原因是現時在 YouTube 播出的 BB 奶粉、手機 game 廣告等已夠煩厭,更多廣告時間的話,「只會令觀眾對果啲廣告產生厭惡感」、「迫人睇廣告真係好傻的嗎」。因此有網民認為,「睇 10 分鐘片、3 個廣告,仲要廣告長過主片,如果冇得飛根本痴線」、「有時你想睇段 video 得個分幾鐘,叫你硬食睇 20 秒廣告真係......」,因此覺得 YouTube「強制觀看廣告」新政策是不合情理。

對於 YouTube 廣告,事實上真有不少觀眾想跟其說不,但市面上有否行之有效的方案呢?有網民表示:「用咗 Adblock 好多年」,以及「開定幾個分頁,開定想睇嘅片,邊度出廣告就靜音㩒第二個分頁睇」,會為強制觀看 YouTube 廣告感到煩惱的朋友,不妨試試吧!

精選網民留言:

  • 咁樣只會令觀眾對果啲廣告產生厭惡感,賣嚟有無意思?
  • 最憎睇 BB 奶粉同手機 game 廣告
  • 講真 YouTube 廣告真係睇到人躁,令人對嗰樣產品產生厭惡感
  • 有冇得畀錢唔睇廣告?
  • 我通常開定幾個分頁,開定想睇嘅片,邊度出廣告就靜音㩒第 2 個分頁睇
  • 用咗 Adblock 好多年,差啲唔記得 YouTube 有廣告
  • 睇 10 分鐘片、3 個廣告,仲要廣告長過主片,如果冇得飛根本痴線。
  • 主要係燒緊錢,咪搵用戶填氹
  • 有時你想睇段 video 得個分幾鐘,叫你硬食睇 20 秒廣告真係......
  • 迫人睇廣告真係好傻的嗎

如果 YouTube「強制觀看廣告」新政策正式推行的話,相信一眾廣告商會成最後贏家,不過在網民(觀眾)角度,似乎當中不得他們的歡心。

有網民認為有時想看 video 可能只長分幾鐘,但要硬睇 20 秒廣告,的確不合情理。

Source: hkgolden

相關文章

Page 1 of 21