搭港鐵不要打機的 4 大理由 網民:食雞係咩來

| 柔之拔 | 23-08-2018 11:51 | |

早上返工搭港鐵有幾擠迫,普遍打工仔女一定知!如果在人多擠迫的地鐵車廂,遇到年輕的少年在肆無忌憚打手遊版《食雞》,有啲咩要注意?網民 eeericT 日前在香港討論區發帖,題為「返工搭地鐵仲打機既人真係好反智」。樓主似乎受盡打機族的折磨,字裡行間屈到病。究竟搭地鐵打機有咩問題?依家邊忽阻住你呀先生?樓主歸納 4 個搭港鐵不要打機的理由如下: 

【精選消息】【走塑】KFC 肯德基全港分店停供膠飲管杯蓋 網民擔憂 7 大問題

  • 一:成架地鐵已經好逼,你仲拎住部手機打打打,俾人撞到一野就即刻怒啤人,但其實係自己問題,打少陣洗死?
  • 二:你打單機 GAME 都算,我見人打食雞,打到一半窒機即刻_哂鬼,地鐵上唔到網是常識吧,有啲仲要開埋聲,好似自己屋企咁,可否顧下其他乘客感受(文字經過處理)
  • 三:上網唔洗錢 ? 當你一日打兩次,每次半粒鐘都用左幾百 MB(編按:Mb) 啦,瘋狂用爆 data 咁樣對得住銀包咩 ?
  • 四:都返工啦,幾十歲人,麻煩你成熟啲,你應該係車入面睇下股票學下英文,而唔係打機仲浪費時間,仲細咩!係咁多先,遲下再補充。

截稿前,帖子贏得 4,469 次點擊率,56 個回覆。不少網民踴躍討論,然而立場並非一面倒,搭港鐵打機唔係咩大問題;更多的網民反而批判樓主的 4 個論據。

「比揹背囊好」

網民甲表示:「比啲揹住個背囊,企唔停 fing 下 fing 下啲人好。」

【精選消息】HR 不滿 fresh grad 無耐性等候面試 網民:學生醒目冇中伏

「data 睇片用更多」

有網民質疑第 3 點講打機用爆 data:「第三點,打得機就用無限 data 啦!」、「打機唔用得好多 data... 反而睇片用得更多。」

「英文好不代表甚麼」

網民乙反對樓主的第 4 點,不認同學英文比打機好:「英文好不代表什麼.外國好多流浪人及窮人都識英文.擁有知識是有用的.打機勁都有電競啦.不過去到幾多 但....是電競王.是窮 L.只有自己知啦.」

「食雞係咩來?」

而網民丙不知道《食雞》是誰:「打機都是個人興趣,無分長幼,同聽歌一樣,如果唔影響到車廂其他人,根本無問題囉。同埋,好奇一問,食雞係咩來?」網民庚好心回答:「pubg 組隊式生存遊戲。」

絲打撐樓主 巴打酸溜溜

網民絲打支持樓主:「我公司有幾個男同事都係,一有空閒時間就組隊上網食雞,都唔知有咩咁好玩。」卻被其他網民揶揄:「仲以為你講緊組隊北上叫雞.....」絲打表示:「有時見佢地氣氛緊張,以為發生咩事,原來玩緊食雞俾人追殺。」

【精選消息】【失業】TVB8 頻道 9 月起停播 傳無綫裁員 800 人

其它網民留言,節錄如下:

  • 係得打機開埋聲會影響到你, 你似乎好大抑壓
  • 單揹 on_9(文字經過處理)
  • 其實唔影響到人同自律,係無問題既,但多數人都唔識自律,有時見到有人打斜行仲要 Jeep 人,個刻會諗佢真係無品,除左笑唔知講咩,試過有次清潔工推架長木頭車係轉角俾人卡住,前面個男人話過阿姐,我聽完係佢後面講句辛苦你喇清潔姐姐,條_街轉身望住我都唔出聲,所以做好自已本份就得,改變唔到世界唯有做好自己,香港人大部份差過大陸人。(文字經過處理)
  • 開聲真係頂唔順 嘈死
  • 唔好上黎講囉,將你既偉論現場發表出尼。見到有人打機就當面講返呢段野,支持你呀我

 

Source:香港討論區

相關文章

Page 1 of 21