HR 不滿 fresh grad 無耐性等候面試 網民:學生醒目冇中伏

| 柔之拔 | 23-08-2018 04:41 | |

職場新鮮人 fresh grad(應屆大學畢業生)有冇耐性?網民「人力資源主任」日前在香港討論區發帖,題為「依家既 fresh grad 真係少少耐性都無,等左一陣就走人 」。樓主似乎對現在的 fresh grad 非常負評,從親身經歷狠批 fresh grad 冇耐性,並發帖分享。然而,網民留言卻是一面倒撐 fresh grad,反斥樓主。所為何事? 

面試要等候兩三小時?

疑似從事人力資源的樓主,在帖子表示:「最近我公司叫左幾個剛剛畢業既大學生黎見工。咁我習慣面試之前要等佢去接待室等兩到三個鐘左右,」

吓!?等兩到三個鐘?小記花生咬一口。

學生走晒

樓主續稱:「考下佢地既耐性。點知我想搵佢地面試既時候,佢地居然個個都走晒,依家既大學生到底發生咩事 ? 到底佢地係咪想見工架」。

【精選消息】【失業】TVB8 頻道 9 月起停播 傳無綫裁員 800 人

網民:你無誠意、不尊重

截稿前,帖子贏得 20,486 個點擊率,171 個回應。網民踴躍留言,卻是紛紛俾嬲。有網民直指:「係,你好快要揾工啦,我係你老闆即刻炒左你,之後你試下等兩三個鐘見工滋味。變態!」、「你個腦有問題?」、「老耐性都唔係要人等两三個鐘,係我都走!」

網民甲冷靜分析:「人地仲有其他工要見,你無誠意請人就算」、「唔係有冇耐性嘅問題,係覺得間公司一 D 系統都冇,約 interview 咁簡單都攪到咁,唔想浪費時間喺呢 D 公司度」。

【精選消息】【報告】隱形眼鏡棄馬桶污染海洋 經食物鏈侵害人體

有網民直斥樓主不尊重他人:「呢幾個大學生算醒目,見唔對路就走,無中伏。你揀緊有耐性嘅員工同時,人地都想搵間識尊重員工嘅公司啫」、「香港地樣樣野都講求效率, 乾等 D 唔尊重自己嘅人,一秒都嫌多, 而公司亦都唔會容許唔識轉彎嘅人生存」、「你唔尊重人, 人哋點會尊重你!」。

有網民認真:「請問係要in咩post 需要咁既考驗? 以理解」、「都唔慌係好工」。

【精選消息】【父女戀】男朋友年長 16 歲 老豆唔俾港女結婚 網民:佢又唔係鄭嘉穎

其它網民意見,節錄如下:

  • 咁啲工作你咪繼續做住先囉!
  • 俾好多水佢地飲,再唔借廁所過佢,睇佢忍耐力
  • 笑左
  • 全香港只得你公司請人 呢人就會留下來等
  • 你個腦系屎忽度,坐住左咪唔覺得兩三個鐘頭係重要囉。人地有腦覺得你 o_9 所以咪走人囉。(文字經過處理)

 

 

Source:香港討論區

相關文章

Page 1 of 21