【求職】巴打呻見工講到似獲聘用 最後冇 offer 網民:你咪又係扮到實返

| 柔之拔 | 22-08-2018 01:03 | |

求職面試,以為必定受聘,最後卻落空,有啲咩要注意?網民「雨果」日前在 LIHKG 討論區發帖,題為「有無人見工果陣講到實請咁 最後無 offer?」樓主在帖子表示:「經理:『ok 咁你係咪隨時返得工? 咁等埋 hr 搞埋啲手續就得啦』!最後乜_都無 (文字經過處理)。利申:大公司 真人真事。」

截稿前,帖子贏得 940 個正評,僅 2 個負評。不少網民踴躍留言,指出樓主的遭遇,在職場很常見;也有網民分享「似聘冇聘」的經驗。

【精選消息】【有片】女司機左線行車突然逆線轉右 網民:未識睇左右白箭咀

「教埋我點樣搭車快啲」

網民甲哭訴:「教埋我點樣係屋企搭車可以快 d 返到公司。」樓主:「係呀,有間仲話好多同事都住你果頭。」

「好常見」

見慣世面的網民乙直指:「聽講係好常見!所以咪話未去到簽約一刻都要繼續搵工繼續 interview。」網民丙講句公道:「但有啲都好老實要睇埋其他人咁 唔會比個假希望你。」

【精選消息】【盂蘭節】網民妙想超簡單方法 證實世上有冇鬼

你咪一樣!公平嘅!

另有網民突破盲腸:「其實你見工個時咪一樣!傾兩傾,你覺得公司唔岩,你已經無晒興趣,你又咪係扮到實返咁!我就唔信你即時走人。」樓主回應:「試過有間日資 second in果陣個經理講完之後我完全無興趣 之後我全部哦同 hea 答,但最後竟然有 offer。」

有網民分享「食詐糊」經驗:

等等等等等

  • in 到最後,問我同埋新上司一齊翻好無?等左 2weeks 打黎話老細出 trip 有新消息會 call 我,如果我有其他 offer call 翻佢。等左 1weeks 我打翻去話 on hold,佢話呢個星期內覆我。等左 1weeks, 佢話個位唔知仲有無,上面未決定到,叫我有 offer 就 take。都算世界級,然後佢又繼續出 job ad

簽約後反口

  • 到番工前一日都繼續 in 試過有公司話請 簽埋約 最後又反口 浪費我見工既時間
  • 幾常見, 簽埋都可以縮手收 OFFER. 如果簽完之後縮手收 OFFER, 記得一定要「NAME AND SHAME」, 唔好講到你做 CANDIDATE 裝彈弓手佢就唔會 BLACKLIST 你咁 哩 D 為左世界和平著想一定要做

【精選消息】私家車疑亂泊地盤範圍墜石頭陣 網民:沒有最安全

OK 便利店

  • 當年岩岩考完 dse 想搵下 part time 番 就諗住近近地係屋企樓下見間 ok 方便又近 見果時都係普通咁 個啊姐叫我寫低啲資料 又問我幾時可以番得工 我梗係話 隨時都可以啦 佢仲同另外一個收銀講 有人替你 你就唔洗番得咁辛苦啦 之後就話遲啲會聯絡我 我當時仲好開心 心諗咁易就搵到人生第一份 part time 點知等左個幾兩個星期我都冇收過電話 直到依家諗番起 我都成日笑 9 自己 連 ok 都唔請我

 

Source:LIHKG 討論區

相關文章

Page 1 of 21