【盂蘭節】網民妙想超簡單方法 證實世上有冇鬼

| 柔之拔 | 21-08-2018 11:18 | |
【盂蘭節】網民妙想超簡單方法 證實世上有冇鬼

農曆七月是中國的「鬼月」,七月十四日晚進入盂蘭節,究竟世上有冇鬼?耶穌是主嗎?網民「人人知我 AC..」日前在 LIHKG 討論區發帖,題為「其實要證實有無鬼好簡單,點解咁多年都做唔到?」。樓主在帖子表示:「呢個 post 並唔係斟酌有無鬼,而係如何證實。」他提供了一個「好簡單」的方法:「好多自稱有陰陽眼,只要搵幾個有陰陽眼既眼一齊異口同聲講出邊個位置有鬼...形容下。技術上又唔難做,點解咁 2018 都未有人做到呢?」

截稿前,帖子贏得 537 個正評,18 個負評。不少網民踴躍討論,未知是否與「七月十四快到了」有關。

【精選消息】

「只係證明部分人流料」

可是,對於樓主的「好簡單證鬼方法」,網民甲突破盲腸:「你咁樣只係證明到當中部分啲陰陽眼人係流料 唔係證明鬼唔存在 要證明一樣嘢唔存在係極極極難。」

「跟晒一條友指」

網民乙滑稽贈慶:「咁啲鬼有機會會郁架!如果一齊指 咁咪全部人跟哂其中一條友指。」

網民丙認真:「唔係話無。外國有通靈節目做過,Viutv 都試過。班陰陽人最後咪就係互相證明大家係錯囉。」

【精選消息】

「有鬼中國滅左好耐」

網民丁睇淡有鬼:「算啦!真係有鬼既話中國滅左國好耐!成_日得罪人(文字經過處理)。」

諾貝爾級別的方法

有網民想出諾貝爾級別的證鬼方法:「樓主可以開返一個 tg gp,入邊加哂一 d 自稱有陰陽眼巴絲。再約佢地出黎做實驗,最後你將實驗巴影片同結果 post 出黎,咁黎緊嗰屆既諾貝爾獎應該會有你份!」樓主似有興趣,可惜膽小:「幾好喎 但我自己好_驚鬼咁點搞?」(文字經過處理)

【精選消息】

其它網民留言,節錄如下:

  • 我諗佢地睇到既鬼應該一樣外表掛 拿 掟第 1 個去一個地方 唔比拎電話,話我聽有幾多隻鬼,著咩衫 返黎,之後放第 2 個入去,睇下係咪一樣
  • 再用朱古力射落去咁就可以証明到有冇鬼
  • 世界上有千千萬萬個自稱陰陽眼,你唔比 999 萬個假,1 個真?都唔 scientific 好易比人駁

知多啲

盂蘭節又名「中元節」或「鬼節」,正日為每年農曆七 月十五日子時開始,即七月十四晚上 11 時至十五凌晨 1 時。

傳說由農曆七月一日起,鬼門關開啟,地府的鬼魂上來人間遊蕩。凡人避免鬼魂作惡,會焚香燒衣以化解怨氣,直至農曆七月三十日鬼門關關閉,鬼魂返歸。

Source:LIHKG 討論區

相關文章

Page 1 of 11