港女 all-in 上網炒賣美心流心奶黃月餅券 網民:自己食晒佢啦!

| 柔之拔 | 15-08-2018 03:27 | |

美心流心奶黃月餅券,原價每張 HK$228,早前開賣迅速斷市;網上即有人高價收購、淘寶亦現炒價轉售,美心流心奶黃月餅券頗有炒賣潛力。但炒風不可長!近日有疑似港女網民在社交網站發帖,表示有美心流心奶黃月餅券發售,炒價 HK$270 起,更貼圖炫耀大疊大疊恍如現鈔的月餅券,明目張膽炒黃牛!

港女!係愛定責任呀?

網民港女日前在 Facebook 群組「買賣交換(香港) 7 11/ok 便利店 麥當勞 惠康 萬寧等贈品印花公仔換購物品」發帖,港女在帖子表示:「全城已斷市月餅券 有單美心流心奶黃月餅券劵卷 首批取貨 8 月 8 日券 奶皇 奶王 留心 Maxim Lava Custard Mooncake Moon Cake Coupon Voucher 中秋節」;港女隨帖子上載兩張圖片(如下)。

【精選消息】網站密碼設定 越複雜越趕客?網民:降低安全性

$228 炒上 $280

目測兩張圖片,其中一張是大疊大疊美心流心奶黃月餅券,恍如大疊大疊現鈔金牛,黃牛黨睇到眼甘甘算這種;另一張圖片則詳細寫明,美心流心奶黃月餅券的分批 $ 炒價、分批取券日期及地點。

截稿前,帖子贏得 74 個 emoji 心情、121 個回應、6 則分享。網民踴躍回應,然而不是向樓主留名訂購月餅券,卻是紛紛嬲嬲,聲討樓主。

【精選消息】【名大於實】網民嚴選全港 10 大虛有其表商場

網民:依家仲流心,遲 D 流血

美心流心奶黃月餅券的原價是 HK$228,港女卻開價 HK$270 至 HK$280,難免惹來網民公憤。有網民直指:「幾時全城斷市?而家講緊全城抄燶 上星期有人原價放」、「炒燶未呀?」、「希望你唔使早午晚餐全部食月餅」、「美心月餅都要炒,唔食冇損失」、「唔好幫襯炒家,等佢自己食哂佢」、「自己食哂佢啦」、「同奶皇包一樣,一款蒸、一個焗;一款廿元四個、大大個,一款 280 八小個」。

擔心樓主食到膽固醇超標

有網民擔心樓主:「成十吋都有 食晒哦奶皇便便」、「 一百萬問題: 樓主餐餐食,要食幾耐先食得哂?」、「慢慢食!小心膽固醇超標!」、「食一盒肥 20 磅,揾笨。」

半價會考慮

也有網民心思思但講價:「原價就買啦」、「半價先會考慮」、「3 折先好 d」、「每盒減 $200 即買」、「300 蚊收二張有意 pm」。

【精選消息】【懶理警方】大媽搶攻銅鑼灣 勇闖時代廣場勁唱帝女花 網民:富商都敢搞

樓主指有人認購

樓主囂張豪言:「多謝大家幫忙推 post, 已有人 pm 認購 :>」她又指:「奶黃, 不同流心, 勿誤信記者報錯料」,遭網民狠批:「我理得你奶黃定流心啦,你一次過囤甘多券就系炒啦!!!」

其它網民留言,節錄如下:

  • 講真,食唔食好閒,唔會益炒家! 又唔係得美心好食,更何況,又唔係真係咁好食!
  • 洗乜急,有排先中秋,到時仲係燶貨一定超抵價
  • 只要大家齊心,到時實有平月餅食
  • 我一睇見你呢疊野咁宏偉,個心就笑左出來...真係唔好意思
  • 留名睇樓主食一年月餅
  • 全城大蟹貨月餅券???
  • 就係呢啲咁嘅_街炒家,搞到我 2 年無買到流心月餅(文字經過處理)
  • 最驚買咗假卷
  • 留返自己食_死佢啦!月餅都好炒,成個香港比你搞衰哂啦!!!(文字經過處理)
  • 有時我地比少少骨氣 抱住今次唔食唔會死 演唱會唔睇唔會死既態度 黃牛好快上太空啦!
  • LM 等睇樓主_街_家產死(文字經過處理)
  • 其實我今年買左大家樂 好味
  • 買月餅吃都係為應節姐,搞到炒高曬個價,完全失去過中秋噶意義

美心流心奶黃月餅,原價每張 HK$228,港女開價 HK$270 起。

港女在社交網站貼圖,目測是大疊大疊美心流心奶黃月餅券,恍如大疊黃牛現鈔。

Source:Facebook@買賣交換(香港) 7 11/ok 便利店 麥當勞 惠康 萬寧等贈品印花公仔換購物品

相關文章

Page 1 of 21