說香港人是喜歡吃花生的物種,認真沒錯,尤其見到街上有情侶爭吵的新聞,總能成為談論焦點。例如早前有本地傳媒報道,有一對情侶在港鐵北角站月台候車期間吵得面紅耳熱,上車以後,女方就喊得一句句,而男友竟當眾跪地抆耳仔認晒低威!正所謂:「不在其位,不謀其政」,這對情侶吵架原因為何,外人當然難於深究,之不過男友竟當眾跪地抆耳仔的舉動,就足以成為網民熱談的焦點,甚至有網民認為這位男友「影衰晒」,更問道:「點解香港男人變成咁」?
【精選消息】
【精選消息】
對於這位當眾跪地抆耳仔男的行為,大部分網民都認為無眼睇,連港男丁點的尊嚴都沒有,甚至有網民認為「香港做男人慘過食 X」、「唔知點解唔知咩係尊嚴」,「唔理係男定女都唔應該係公眾埸合咁做」。甚至有網民認為港男應跟韓國大叔學習做男人應有的尊重,不能常常認錯、當眾跪地,畢竟男兒膝下有黃金的。
當然,有網民看過這段新聞後,質疑這位當眾跪地抆耳仔男「咁 X 都有女?仲有機會偷食?點解我咁靚仔無女?」,暗指世界是超級的不公平。沒辦法,如果世界公平,大家待人以誠的話,相信世上不會有以上的情侶吵架、當眾跪地、抆耳仔認錯,而大家也沒有可能花生當正餐,吃花生吃飽。
網民留言節錄:
- 點解香港有啲男人會變成咁,呢幾年都有幾單呢啲嘢,香港係咪痴 X 咗線
- 可唔可以取消佢男性嘅性別
- 唔理係男定女都唔應該係公眾埸合咁做
- 呢種男人影衰晒,香港剩低幾多男人係 man 㗎
- 香港做男人慘過食 X
- 學下班韓國大叔有返男人嘅尊重啦
- 香港男人唔知點解唔知咩係尊嚴,唔知係教育出錯定乜
- 點解佢咁 X 都有女?仲有機會偷食?點解我咁靚仔無女?
- 點都好,佢有女,你哋無
- 可能大家都錯,其實係 M 男畀主人調教緊