不少音樂家帶同樂器乘坐飛機時，如該樂器不是太大型的話，必然想 hand carry 上機，但有時該樂器體積過大的話，無奈都要選擇寄艙託運，但壞處就是可能在寄艙託運過程中有所損毀。最近就有一位色士風演奏家歐小姐，在乘搭國泰航空往新加坡航班時，雖然已將價值 HK$8 萬的色士風，以碳纖樂器盒包好，又加上海綿、膠膜等作為緩衝，本港機場地勤人員亦貼上兩張易碎（fragile）標貼，但最後在領取行李時仍發現碳纖樂器盒遭撞凹，色士風零件脫落，需借用其他樂手的色士風才能繼續演奏。其後事主曾分別向新加坡機場及國泰投訴，可是機場方面表示樂器盒沒明顯損毀，表示拒絕賠償，而國泰新加坡代理雖就事件致歉，卻只允答應賠償 US$100 美元的國泰現金券，使事主有感國泰方面欠缺誠意，對國泰及新加坡機場地勤人員失去信心。

【精選消息】

【精選消息】

樂器在寄艙託運期間弄毀的事件，久不久就會出現，歐小姐過後在 FB 提到事發經過，表示行李盒雖然有「易碎」貼紙，「但我覺得佢地冇handle with care」，並懷疑有地勤人員粗暴處理樂器，才導致不幸事件發生。事件在不少討論區也得到廣泛討論，有網民直言：「貼易碎基本上死 9 成」、「包到咁都爛，個損毀程度唔特登掟一定唔會搞到咁」、「樂器啲 case 靚嘅，真係可以搵個人喺上面跳都唔會有事，國泰啲 XX 做咗啲乜 X 呀」。之不過，有網民認為事件凸顯寄艙託運真不夠可靠，「船寄可能仲安全」、「最 X 慘畀足錢都爛」。其實不只國泰，其他航空公司也應善待寄艙行李，為旅客帶來完滿的乘搭體驗，才是企業應有的服務態度。

精選網民留言：

• 貼易碎基本上死 9 成
• 包到咁都爛，個損毀程度唔特登掟一定唔會搞到咁
• 樂器啲 case 靚嘅，真係可以搵個人喺上面跳都唔會有事，國泰啲 XX 做咗啲乜 X 呀
• 船寄可能仲安全，班行李佬
• 最 X 慘畀足錢都爛
• 國泰會唔會係唯一可以破壞 Nokia 3310 嘅對手
• 寄艙真係好無保障，咁貴嘅樂器，另外搵公司空運過去會唔會好啲呢？
• 做垃圾工唔係問題，心態垃圾先冇得救
• 樂器 X 好慘，太貴樂器寧願買機位
• 睇過搬行李班友做嘢，基本上係咪易碎佢哋都大大力車。有時見到啲貴喼仲一人扔一下，再踩幾腳

Source: lihkg