網站密碼設定 越複雜越趕客?網民:降低安全性

| 柔之拔 | 14-08-2018 12:35 | |

有不少網站為了提高密碼安全性,要求用戶在設定密碼的時候,加入複雜條件,例如:必須數字與字母兼備、一定要有大小階、至少 n 個 digi 以上、不可以是姓名或容易辨認的字詞等,結果設定幾次都不符合條件,無法成功登記啟用網站服務,搞到小記火都嚟!豈料原來有同病相憐的巴絲!網民「玥海市蜃樓」日前在 LIHKG 討論區發帖,題為「搞到啲密碼咁複雜,係為左阻止自己登入」。

樓主在帖子表示:「又數又英仲要大階細階,有啲仲要有埋符號,煩到……大家用咩方法令自己唔洗成日禁忘記密碼?」他續稱:「拋個磚先 用緊電話個 note 黎記低。」截稿前,帖子贏得 667 個正評,14 個負評;不少網民踴躍回應,好有共鳴。

【精選消息】【懶理警方】大媽搶攻銅鑼灣 勇闖時代廣場勁唱帝女花 網民:富商都敢搞

有網民表示:「啲網站咁做其實反而會降低安全性」、「試過唔知登記 d 咩 辛辛苦苦唸到個啱佢 format 既密碼 _你老母到頭來第一次登入就要我改密碼」(文字經過處理)。

網站密碼設定複雜,係愛定責任?

有咩驅使網站要在密碼設定上搞咁複雜呢?係愛定係責任呀?網民分析:「其實密碼越來越複雜係因為硬件越來越勁,用幾個數字密碼應該 0.00 幾秒就 crack 到。」

設定複雜密碼秘技

那麼,如何對付之?有網民建議:「自己個名嘅速成碼,
睇落去又亂又有數字通常都 pass」、「加數字 每改一次加 1」。

網民甲天真:「用死一個 應該唔會唔記得掛」,網民乙狠批:「一比人爆左其中一個 account, 其餘 accounts 相繼會無埋。」

【精選消息】麥當勞日日不同滋味快閃遊 $10 兩個漢堡包回歸

網民狠批東亞銀行

有網民點名狠批東亞銀行:「東亞 個 ebanking 先勁!唔畀你用 keyboard,畀個 虛擬 keyboard 你 click , 仲要唔係正常排序既,仲要 一定要有 2 粒數字或以上!本身麻_煩已經少用, 最終我唔記得兩次登入密碼,有日忍唔住去 CUT _埋張卡!」(文字經過處理)

有網民接力鬧爆東亞銀行:「個濕_keyboard 真係 click 到火_滾!仲隔一排逼你轉新密碼,舊密碼無得重用,諗個個真係天材!我相信全香港得佢一間銀行咁_o_9,為左保安完全放棄 user experience。利申,因為呢樣野已刪户口。」(文字經過處理)

有網民不滿,東亞銀行 ebanking 需要使用虛擬 keyboard 進行設定,兼舊密碼不能重複使用。

【精選消息】【名大於實】網民嚴選全港 10 大虛有其表商場

其它網民留言,節錄如下:

  • 最_街有啲網站係改完個新密碼以後用唔番以前改落個堆舊密碼(文字經過處理)
  • 次次登入依 d 網都禁一次忘記密碼
  • _你公司就係 每三個月要換一次 真係好_煩 我邊諗到咁多密碼(文字經過處理)

 

Source:LIHKG討論區

相關文章

Page 1 of 14