HK$148 玩 CMHK 4.5G 全速 Plan「真.無限」!免合約咁著數?

| 阿美 | 08-08-2018 12:25 | |

香港 4.5G「真.無限」Plan 劈到見底未?CMHK 又出招!除咗之前 HK$168 嘅「4.5G 全速本地服務計劃」優惠延至 8 月 31 日外,再加碼推出 HK$148 嘅「4.5G 全速本地流動數據服務計劃」,最大亮點係免合約!

HK$148 嘅「4.5G 全速本地流動數據服務計劃」包 20GB 4.5G 全速本地數據,合約期內送本地無限數據增值服務「DATA+ 數據」,即係過了 20GB 都唔會限速 128kbps,只係網絡資源將因應網絡情況而分配會較少,即係「真.無限」Plan;另外,攜號轉台更可獲豁免每月 $18 行政費。

【相關消息】香港 5G 網絡測試密鑼緊鼓等政府 中移香港完成端到端測試

【相關消息】【台北直擊】檢驗中心為 5G 測試部署

喂,又話免合約?又合約期內先送「DATA+ 數據」?是咁的,呢個 Plan 係要簽 24 個月合約,不過 CMHK 又加多個條款,話首 6 個月無合約限制,即係頭 6 個月可以隨時 cut 台或攜號轉台走,而毋須繳付違約費!不過,如果用到第 7 個月先記得的話,就要繼續用完 24 個月合約先唔使賠違約費。

呢個 Plan 最啱打算用 4.5G「真.無限」Plan 取代家居寬頻的用戶,試下啱唔啱先,唔啱就 6 個月內走人。小記又問過,雖然可攜號轉台,但一轉去呢個 Plan 就只可用數據同收發 SMS,不能使用語音通話。而 HK$168 嘅「4.5G 全速本地服務計劃」係有包通話分鐘,仲送每月 1GB 嘅免翻牆中國及澳門數據,大家又會點揀?

CMHK 條款話,本地無限數據增值服務 (「DATA+ 數據」) 不適用於網絡分享 (tethering),但有用家試過無問題。而呢個 Plan 正好俾擔心呢個條款、擔心身處位置接收 CMHK 網絡是否 OK 嘅用家試試,唔啱可以 6 個月內隨時走人。

至於 HK$168 Plan 就有埋無限通話分鐘,同埋每月包 1GB 免翻牆嘅中國及澳門數據,但就必須簽 24 個月合約。

Source:ezone.hk

相關文章

Page 1 of 21