一對情侶，收入差距很大，有啲咩要注意？網民「秋天長長魚蛋」日前在香港討論區發帖，題為「我一個女仔都搵 4 萬一個月 男朋友仲搵萬幾 應唔應該分手」。樓主在帖子自爆：「我畢業左 3 年已經搵緊 4 萬啦 我係專業人士（科學家） 男朋友仲做緊文職 穩得個萬幾一個月 大家無乜共同話題 應唔應該分手 大家差距有 d 大」。
「男友唔係專業人士」
有網民不屑「女科學家」只搵 $4 萬，她回應：「人地 arm arm 畢業咋 你估做左十幾年既然資深科學家咩 而且我話題都係圍繞化學啊 血液啊 醫療儀器啊之類既野 男友都唔係專業人士 話題都無乜」。
【精選消息】
嘩！女科學家 vs 男文職仔，好屈機啊！發帖未夠一天，截稿前，帖子已贏得 44,551 個點擊率、807 個回應。
真心網民：點解當初你揀佢
- 咁佢除左人工比你少。仲有無咩令你不滿？
- 咁點解當初你揀佢？
- 嫌棄對方就應該分手。唔好嘥大家時間。
- 「視野差距」唔應該忽視
- 自己嘅嘢，自己决定，如果一齊唔開心嘅咪分喎
- 你已經自己有答案
有網民以「過來人」姿態分享：「我個人認為愛你尊重您好緊要，你覺得佢幾愛您同尊敬您同專一嘛？我有一些過去，令我覺得有錢唔係大哂，一個人同你的過程，經歷好寶貴。您搵到一個真心愛你的人好唔容易。睇你覺得佢有幾愛您我個人認為最重要，小小意見。」
有網民要門當戶對：「必分，竹門對竹門嘛，起碼揾返件 5 萬以上，買樓都易 D」。
【精選消息】
有網民撐低薪男友：
- 寧欺老冇用，勿欺少年窮！
- 你男朋友性格好嗎？靚仔嗎？如果兩樣都係，分手前介紹你男朋友我識先 利申我畢業 4 年，搵錢多過你
- 我反對，金錢不能評價一個人價值
有網民不屑樓主狗眼看人低：
- 女科學家多數一世老姑婆
- 分啦，好少見有提供性服務既專業人士有男友
- 分啦!井底蛙以為揾四皮好巴閉
- 樓主揾到下一件至算啦 女人有樣性格好才吸引 月入四萬其實好少，樓主放大了自己
- 學歷雖高，但還是一般見識
- 梗係分啦｡ 你依種人｡ 只盼共富貴。不能共患難｡ 唔好浪費大家時間
- 做雞揾得仲多，轉行先啦
- 咁大個女，自己分析下啦，科學家
【精選消息】
質疑樓主派膠
另有網民質疑樓主派膠：「其實呢篇嘢係膠膠地。真係有心從事科學嘅人通常唔會第一句就錢。」、「睇完你呢段嘢，覺得你非常之自卑開始產生幻覺，及早求醫食咗藥早啲瞓好快冇事」、「我唔信，搵四萬一個月點會出埋啲膠 post 架？！」、「哈哈～科學家 咪玩啦 真定假呀」。
Source：香港討論區