有留意網上討論區帖文的朋友，應常常見到「你問我答」的 post，其實大家如有花時間去看「你問我答」post，基本上除會對樓主置身的行業、處境有更深的了解之外，也會發現樓主的身份，愈來愈意想不到！例如現在要分享的「你問我答」post，樓主就是一名曾遠赴敘利亞當庫德族志願兵的真．兵哥，由於網民發問問題眾多，因此以下只精選部分對答內容，並分為生活篇及戰爭篇，以揭開到敘利亞當庫德族志願兵的神秘面紗。
【精選消息】
【精選消息】
生活篇
| 問 | 答 |
| 點解會做志願兵？ | 想了解下呢場變革、正義感、人生意義、其實對香港人嚟睇，我可能好幼稚。 |
| 怎樣去做志願兵？ | 有留意庫德族、Rojava 應該會知道。 |
| 要懂哪些語言？ | 庫德文（阿拉伯文太難）。 |
| 要否訓練，定本身外國當過兵？ | 無當過兵，train 了一兩個月，好彩有 teammate 係前海軍陸戰隊、陸軍、空軍，教咗好多。 |
| 有否錢收、要當幾耐兵？ | 每月 100 至 150 美金買食物上網，最少要做半年，我差不多 1 年（不過唔知而家要做幾耐）。 |
| 平時食咩？（零食、正餐都得） | 間中畀隻羊自己劏，有時有雞（仲要美國），不過一個月得 3、4 次有肉供應，日常會多畀雞蛋、薯仔、蕃茄、青瓜、茄子、意粉、naan 烤餅，一大堆生果，有 operation 就食供應嘅垃圾飯。 |
| 住嘅環境係點？有冇得瞓，定要長期 ready？ | 前線有得連續瞓 3 個鐘已經好幸福，好多時槍聲、爆炸聲整醒左再瞓過。真係 heavy contact 就全世界 ready，反正你都唔會瞓到。 |
| 有否跟庫爾德女性有進一步發展？ | 無，老實好想，有靚女兵，但女兵全部終身不嫁，類似出家。 |
| 回來後有何感想，有否人生觀改變？有無諗過繼續行呢條路？ | 好大改變，確實返到嚟好唔慣，喺個邊可以做番自己，喺香港，好似逼你講 1+1 唔係等於 2，老實講對香港沒大希望。暫時冇，人有好多枷鎖。 |
| 有否朋友仲有聯絡？ | 有，第一個識的朋友是前海軍，同佢有許多搞笑回憶，共同話題是高達、芒亨。 |
戰爭篇
| 問 | 答 |
| 庫德族冇美國 support 係咪準備比人滅國？ | 純個人意見，我諗係睇庫德族喺美俄角力之間點樣玩。冇美國、俄羅斯，又同 Regime 傾唔掂數，咁嘅話我真係諗唔到有咩牌可以玩。靠民主自由口號高舉旗幟真係贏到？我唔認為而家人類社會會畀你咁玩。 |
| 當地每日嘅流程大約係點？每日 on duty 都要上前線，定係間唔中可以 hea 幾日？ | 最長 operation 試過 14 日之後 rotate，大概 10 幾日再 rotate。冇 operation 個陣除咗日常訓練之外，就係睇吓電視打吓機捉吓棋煮飯仔。 |
| 戰場點分自己人、敵人？ | 靠制服，但有次在 Raqqa 定 Tabqa 係 ISIS 穿制服清了數個 check point。不過前線而家好多組都有 radio，有溝通同無溝通好大分別，情況好了許多。 |
| 跟反抗軍屬於友好，還是敵對關係？ | 好 X 複雜，有部分前期 FSA 加入了 YGP、SDF，現在又分了 FSA、TFSA，敵對。 |
| 對槍時有否諗過自己中槍，還是交行貨，射幾射就算？ | 用 AK 嗰陣交行貨，主要有效都係 PKM、SVD、16，不過多數靠 air strike。 |
| 聽聞近戰通常唔係挖眼就係踢重要部位，應該堅嘅？同埋點解你哋會無手槍？ | 對住一個有訓練過嘅人通常都唔會有效，只係一個冇訓練過嘅人，能夠用嘅嘢得陰招，一係有架生扑濕佢，一係就走。手槍係嗰邊好少有，代表身份象徵。 |
| 最危險發生咩事？ | 迫擊炮打中樓上，無事繼續瞓。 |
| 醫療點樣？ | 落後。大部份都未接觸過急救，唔識用止血帶，有啲直情抗拒俾新嘢佢，教佢 celox、quikclot 個啲，情況慢慢改善緊，始終好多嘢要現代化，唔係以前咁攞條圍巾包住就搞掂。民用嗰邊就要睇美國俾幾多錢，紅十字有幾多嘢俾，當然都係唔夠人。 |
| 殺了多少個 IS？ | 多數 area target、500-1000m distance，無 confirm kill，做 room cleaning、assault 嗰班會多點機會 confirm kill。 |
| 交戰中的城市，入面係咪寸草不生，還是似南斯拉夫內戰的情景？ | Raqqa 炸到爛晒，但仲有當初走唔到嘅人住。重建緊，不過好慢，開始有零食、燒雞賣。Der Ezzor 等小鎮，打完兩、三個星期已有人返去做生意。 |
| 戰場上有哪些感動事？ | 成個過程入到好 team，一齊生活，傷心開心又一齊，香港始終好少做嘢做到將生命交畀對方。 |
| 有無機會面對俄軍軍隊，是否夠打？ | 無，一定唔夠打。 |
| 如被 IS 捉走會否自殺？ | 每人獲派 1 個 0 秒 fuse grenade，但驚用錯，所以次次都唔帶。 |
Source: lihkg