上連登討論區的，大概都是男性青少年吧！今次發帖的，不但是絲打，而且還是一個老婆婆。日前，一位網名 SNOW 的網民在創意台發帖：「絲，77歲，你問我答」。很自然，大家一開始都覺得是假吧？為了證實真的假不了，婆婆之後還上載了自己的相片，上面寫上自己的網名和連登帳號，一時間巴打都嚇呆，之後一連串的口沒遮攔的問題，婆婆更能一一作答。
【網絡熱話】
【網絡熱話】
日前，一位自稱 77 歲的絲打發帖，稱跟乖孫一齊上連登，同大家傾偈。不少巴打馬上質疑她的身份，先是叫她拍下自己雙手的相片，之後婆婆上載了一張自己織冷衫的相片，可是巴打仍然不太相信。婆婆再上載了自己的相片，手上拿起一張字條蓋過自己的樣子，上面寫上自己的網名和連登帳號，力證自己是真 77 歲絲打，一日已獲得近 3,000 多個讚好。之後婆婆再簡單交待自己有一個男孫，一個女孫，因為真名有「雪」字，所以用 SNOW 作網名。最後還附上一段錄音，同巴打講拜拜。
看過連登的人，大概都知道，巴打有時口沒遮攔，甚至粗口橫飛，不過很多問題婆婆都願意作答，現節錄部份對答：
問：「你會唔會逼人讓你坐關愛座？」
答：「我多數都係人地讓我坐，點好意思叫人起身呀。」
問：「仲有冇性生活？」
答：「老公走咗成十年。」
問：「處？」
答：「處女邊有孫。」
問：「幾時落去陪你老公？」
答：「日日都向老公祈禱，希望我可以生活得耐啲。」
問：「平日用開咩長者福利？」
答：「長者卡，2 蚊搭車，關愛座，生果金，間中食下蛇齋餅糉。」
問：「有冇經歷過港日政府？」
答：「嗰陣時我好細個咋，係聽呀媽話死好多人咁。」
問：「阿婆點睇年輕人買唔到樓？」
答：「難搵食囉。依家難搵食點買樓啊，啲樓咁鬼貴。好淒涼。」
問：「阿婆最鐘意邊個歌手？」
答：「任劍輝，白雪仙。」
問：「用咩輸入法打字？」
答：「我口述，乖孫打字。我學到 whatsapp 錄音咋。」
由於不少巴打用語都稍為不雅，也有部份網民留言：「婆婆，對啲口沒遮攔嘅人唔好咁上心」、「 睇咗一陣頂唔順，班網友太爛口」、「好心咪咁口臭啦，婆婆識上嚟傾偈好叻㗎啦」等。雖然有部份巴打認為，婆婆不應上連登，但也有人覺得婆婆很可愛：「人哋玩連登都侵埋婆婆一齊玩，答下留言又可以增進婆孫關係」。
Source：lihkg