【求職】見工被 HR 畫花 reference letter 及工作證明正本 網民:「刑事毀壞!」

| 柔之拔 | 18-07-2018 21:45 | |

剛被裁員,已經黑仔;再去見工,求職資料正本被畫花,HR 真係抵 _,你說對嗎?大家都係受薪,凡事太盡,緣份勢必早盡。網民「慈母沙中線」日前在 LIHKG 討論區發帖,題為「頭先見工,_到個 hr 喊」(文字經過處理)。

樓主緣何搞喊人呀?他在帖子表示:「起下我底都知上星期好慘比人兜左!」原來剛被裁咗。

「HR 本身都串」

樓主娓娓道來:「今日走去見工,個八婆 hr 本身都串,又話開唔到咁高,都忍佢!」面對臭串 HR,忍一時,風平浪靜,樓主抵讚。

【精選消息】電腦技術員臨時工津貼 $7600 網民:「攞綜援好過!」

豈料…

樓主續稱:「到最後比疊 reference 佢影印,收返黎全部重點位都有個鉛筆 tick」唔係呀嘛……

叫腦細入來解釋

樓主如何是好?「我嬲_到要佢老細入黎一齊解釋,佢老細都有_佢兩句又係咁.....我嬲_到不停_ _ 佢,最後_到佢老細都頂唔順,話我再唔走就報警!」(文字經過處理) 

【精選消息】【大學研究】洗碗可減壓抗焦慮 全球首富 Bill Gates 貝索斯都是洗碗控

嘩!搞到要報警,呢度小記頂住,樓主你走先……

樓主慨嘆:「呢排真係_黑,炒完仲要比人畫花 d 料。」(文字經過處理)

樓主隨帖子上載 2 張圖片(如下)。有圖有真相,樓主指 2 張圖片分別是其工作證明與 reference letter 正本,遭 HR 畫花了,慘豬。

【精選消息】任天堂 Switch 遭破解好心痛 網民:「成個遊戲業比你搞彎晒喇!」

截稿前,帖子贏得 822 個正評,19 個負評。樓主真係好很慘,然而唔知正評是給樓主,抑或是給 HR 的。有網民留言:「抵死!(18 正評,254 負評)」樓主愁容:「得罪你 d 乜?」

說好的喊呢?

另有網民好奇:「又話喊既?」說好的喊呢?樓主表示:「係,我係咁_佢係咪 o_9,佢流左幾滴眼淚。佢既理由係要 high light 比老細睇」。網民:「做得好!」樓主:「有得選擇真係唔想_佢;好_想喊 send 左十幾廿份,見第一份就出事,我依加灰_到坐左係 m 記望住個天問下自己做錯 d 乜」。(文字經過處理)

網民:「佢唔識影印左先畫野上去? o_9 HR」樓主回應:「呢句野我同佢老細都有講。」

「畫下洗死咩」

網民:「畫下洗死咩?以經唔系用原子筆打勾!(9 正評,536 負評)」遭網民圍剿:「乜_嘢打勾呀?」(文字經過處理)、「你係咪畫花人果個呀?用咩筆都係錯啦!好唔好畫落你張畢業證書呀?垃圾 HR。」

其它網民留言,節錄如下:

  • _你老母你比人用鉛筆畫個剔仔咪好!!!我上次果堆 Cert 比個 HR 影_印完, 全部正本佢老尾 DUM _左個 COPY 既印上去!!!!!!!(409 正評,3 負評;文字經過處理)
  • 番號都冇點傾落去?
  • 真係抵_(文字經過處理)
  • 咁_搞笑 正路係影印本度寫(文字經過處理)
  • 樓主好波
  • 條友 o_9? 有無得從民事告佢破壞你既文件 ?(文字經過處理)
  • 畫花你既文件 點解唔報警?
  • 直接刑事毀壞
  • 告返佢啦
  • HR 果然係公司最冇用既部門
  • 同佢講執番 Q 當打和好過啦, 咁樣老闆面前落佢面
  • 你_完人 你走左佢咪又係背後_返你"痴_線好彩冇請"(文字經過處理)

【知多啲】

網民:「btw 巴打 想問 ref letter 如果冇寫人工 hr 會唔會追問 or 打去問?」

樓主:「reference 係講你個人,工作證明先講人工 我既係咁囉。」

網民在 LIHKG 討論區發帖,並上載兩張圖片,表示其工作證明與 reference letter 正本,遭 HR 畫花了,慘豬。

網民在 LIHKG 討論區發帖,並上載兩張圖片,表示其工作證明與 reference letter 正本,遭 HR 畫花了,慘豬。

 

Source:LIHKG討論區

相關文章

Page 1 of 21