隨着法國以 4：2 擊敗克羅地亞，勇奪今屆俄羅斯世界盃冠軍後，2018 世界盃正式曲終人散，4 年後卡塔爾世界盃再見。雖說不少人認為今屆 2018 世界盃各隊的球員陣容不及上屆，似是沒有一支強隊能夠一枝獨秀，之不過回顧今屆世界盃的各場賽事，也不乏好睇、精彩，神奇頂級又超卓的比賽。有網民就出 post 嚴選 2018 世界盃 3 大最好睇的賽事，未知當中又有否大家的心水呢？
【精選消息】
【精選消息】
比利時被受追捧
樓主嚴選 2018 世界盃三大最好睇賽事的準則，是以總入球、賽事熱血程度為首要條件，然後才計緊湊程度及球星多寡，因此樓主的 3 個選擇是 16 強日本對比利時、決賽法國對克羅地亞，以及分組賽的「雙牙大戰」：葡萄牙對西班牙。
基本上樓主其中兩個選擇：日本對比利時，以及葡萄牙對西班牙都是不少網民的心水，有網民甚至認為有比利時的比賽，就等於精彩。「其實我想投哂比利時淘汰賽個三場」、「法國比利時，上半場嗰種較技真係高質」、「比利時 7+10 嘅進攻組合真係好悦目」，至於今屆比利時所有對賽中，網民又最喜歡哪場呢？日本對比利時這場絕對能稱上眾望所歸！「第一時間諗起日本對比利時」、「日本比利時，兩隊超水準」、「開波前以為會被大炒，踢落原來有機會贏埋，點知最後臨尾香，坐過山車咁」、「日本對比利時一定係最好睇，沒有之一」。
強弱對旅值得一看
其實不只有強隊作賽，才能入選今屆世界盃最好睇賽事，有網民認為部分強弱對旅都值得一看的，當中包括伊朗對西班牙、冰島對阿根廷，以及韓國對德國等。
總括網民選出世界盃 3 大最好睇賽事：
16 強日本對比利時
原因：開波前以為會被大炒，踢落原來有機會贏埋，點知最後臨尾香，坐過山車咁
分組賽葡萄牙對西班牙
原因：一開波咁爆，點估到之後 16 強齊齊早抖
16 強法國對阿根廷
原因：兩隊都有高質遠射
Source: lihkg