睡前床上關燈玩手機後果嚴重 網民:「玩到失眠、眼要做手術」

| 柔之拔 | 13-07-2018 08:00 | |

經常於睡前在床上玩手機,黑漆漆又唔開燈的你,注意了!網民「蛋蛋小民子」日前在 LIHKG 討論區發帖,題為「有無人有床上訓教前玩手機既習慣」。他自爆:「我由中二開始已經有呢個習慣,依家都大學,一玩就玩 2-3 個鐘,仲要唔開燈玩,覺得哩係張被入面玩勁舒服勁正!」但他疑惑:「其實呢個算唔算壞習慣,第時應該會壞眼同埋聽講對睡眠質素有壞影響,我係咪應該停止?」

截稿前,帖子贏得 910 個正評,30 個負評。不少網民踴躍回應,熱烈討論在暗黑環境近距離望住手機小屏幕的強光,有乜壞處。有網民迅速留言:「不如問有邊個無」,並贏得 946 個正評;「12 點上床,玩到 3 點」;似乎在漆黑環境碌手機,情況很普遍。

【精選消息】月入 HK$12.5K 想買部車仔操下 網民:單車應該可以嘅

網民甲:「中學果陣熄哂燈喺手機睇動畫 第二朝出街隻眼對住陽光勁辛苦 自此唔再敢熄燈睇咁耐。」樓主回應:「頂我都係不過係漫畫  依家視力都差左唔知係咪提早老花 以前有諗過戒左個習慣但係中毒太深 唔用電話會 lorlor 攣。」

網民乙:「認真,唔想咁快盲要玩就開燈坐起身玩 黑暗環境中玩電話簡直係搵視力黎較非 自己google一下壞處。」樓主:「好啦不過 damage is done 希望依家停仲黎得切啦!」

究竟經常在暗黑環境玩手機是咪壞習慣?對眼睛有乜傷害?樓主應否停止?更多網民意見,節錄如下。小記睇完都心驚驚,幸好沒有養成這種壞習慣。

【精選消息】【倫敦金騙案】美人計誘投資 64 男中伏 損失 HK$2600 萬

網民有 says

  • 我仲過份過你,玩到失眠 冇咗手機會焦慮不安,最後都係失眠
  • 你會後悔 係要去到冇左先識珍惜 rip
  • 影響訓覺唔在講 有朋友玩到眼要做手術 玩還玩 要玩都開燈玩
  • exact7ly 然後 7 點又要起身 真係唔明點解自己中學個陣訓幾個鐘都會起到身 依家一定唔掂
  • 極易上癮 試過真係病態咁無止境碌電話 一陣就幾個鐘

【精選消息】【睇片】乘客打尖咒人「成世揸巴士」車長神回網民讚好

  • 由 smart phone 岀現後就每晚都咁玩  係咪就快盲
  • _一模一樣 第一次開始咁做係追小說 追完之後發覺有散光之類 但係都瘋狂 keep 住睇電話 ipad 直到而家都有五六年 唔睇住片瞓唔到覺 而家啲飛蚊症越黎越嚴重 同埋成日眼乾  想戒 (文字經過處理)
  • 我晚晚都係咁 已經好明顯近視勁咗 散光都係
  • 但真係好爽好舒服, 真正屬於自己既時間
  • 好彩見到呢個 post  迫自己戒下先
  • 睇完唔敢再瞓教前玩電話

 

Source:LIHKG討論區

相關文章

Page 1 of 21