【睇片】乘客打尖咒人「成世揸巴士」車長神回網民讚好

| 柔之拔 | 12-07-2018 22:37 | |

巴士車長與乘客發生爭執,屢見不鮮;但車長高 EQ 零粗口神回 KO 乘客,你又見過未?網民 ‎Siu Man Yu‎ 日前在「巴士的事討論區」Facebook 群組發帖,表示:「轉載於巴士佬群組 死咸魚紅隧口唔排隊上車、仲聲大夾惡、仲咒人揸成世巴士。《成世揸巴士vs成世搭巴士》」

車長指正乘客

隨帖子附有兩段短片,目測短片是在巴士上的「車 cam」鏡頭拍攝。從短片可見,事發於 7 月 10 日下午,一輛巴士駛到紅磡海底隧道埋站,車門打開,乘客排隊上車。當第二名乘客(化名:咸魚)疑似打尖上車之際,車長突然舉起左手,當機立斷,指揮若定,狠狠地指著咸魚乘客說:「喂!排隊!你見唔到後面有條龍架?」咸魚乘客見事敗,立即投降,不敢往內進,只站在巴士車頭位置等候,先讓其他乘客上車。

【精選消息】【多圖】積木紅 VAN 開賣 16 座摺門設計超像真

咸魚認跳上車

然而咸魚乘客不忿,在等候期間與車長舌戰。咸魚:「咁而家見到啦!咁點丫?」車長:「咁你而家落返去先,俾人上咗先丫嘛!」車長與咸魚一人一句,你來我往,咸魚死撐「我係睇唔到,我唔係打尖」,車長則指正咸魚「你呢啲叫扮睇唔到,你擺明喺 116 果度擒出來!」咸魚終於大方承認:「係呀,我係跳過來上車」。

兩個都好毒

當所有乘客上車後,咸魚乘客才往內進。惱羞成怒的他,臨別前拋下一句:「你滿意未呀?巴士佬,成世揸巴士啦你!」車長也不客氣,立即回敬:「咁你成世搭巴士啦你!我成世揸冇問題呀,我有人工出,你咪成世搭巴士囉!」

【精選消息】【多圖】「下流詩人」松島安街頭塗鴉作品集

這段影片在網絡瘋傳,引來網民熱烈討論。網民主流意向都大讚車長表現神勇,一句「成世搭巴士」體現車長的高 EQ。網民回應,節錄如下:

  • 車長很高興你出聲制止打尖的的乘客,很多時我给人打尖,出聲時總給人叫我收聲司機無出聲你吵什麽謝謝你
  • 撐你巴士大哥,夠灑正義感,型
  • 正呀,一句成世坐巴士,真心笑傻左,巴士司機撐你呀
  • 車長處理得好 … 撐你! 幸好車長有 cam,有片有真相
  • 師傅好嘢,真係搞到條友冇得駁,讚呀
  • 一聽到車內有cam拍到,即_縮。笑_死,打尖衰衰地認咗佢咪算數囉(文字經過處理)
  • 呢勻我撐車長,夠勇氣敢發言,車長係英雄,如果每個車長都好似佢咁就好,可惜好多車長都係好怕事,好懦弱,見到人打尖都係龜縮態度
  • 打尖男唔夠人講諗住影相作故仔~點知仲反比人拍片~
  • 想知車長段片影果個 Cam,係公司定私伙???

【精選消息】【網民訴苦】港女難敵大隻佬 日本大阪關西機場遇賊記

即 click 下圖,直擊巴士車長舌戰咸魚乘客,成世揸巴士 vs 成世搭巴士!

 

Source:camvideoHK, 巴士的事討論區

相關文章

Page 1 of 21