蠟筆小新再現大銀幕 《爆盛!功夫小新~拉麵大亂鬥~》

| RON | 10-07-2018 19:28 | |

人細鬼大的《蠟筆小新》再次回到大銀幕「惡攪」一番,今次小新仲要「駛出真功夫」去到中華街挑機,究竟「何B仔」和動感超人會不會出現呢?

不經不覺,《蠟筆小新》自從1990年開始在日本連載,至今已經20多年,這個「人細鬼大」的幼稚園生野原新之助(小新),不時會有模仿大人邏輯的惹笑舉動,甚至是露出「何B仔」令人哭笑不得。不幸的是,漫畫原作者臼井儀人在2009年因登山意外身亡,其作品由他的助手續載。至於大銀幕上放映的劇場版,至2018年4月上映的《爆盛!功夫小新~拉麵大亂鬥~》,已經是第26套作品。今個暑假在香港亦會上映《爆盛!功夫小新~拉麵大亂鬥~》,並有粵語配音,肯定會笑到反艇。

 故事簡介

今次《蠟筆小新劇場版》首次以功夫為主題,講述春日部防衛隊成員喺春日部市中華街「哎呀街」發生嘅事件!

因為正男嘅邀請,小新連同春日部防衛隊成員喺度修練傳說中嘅功夫「柔軟彈彈拳」。與此同時,春日部嘅居民因為食咗哎呀街超人氣必食嘅黑熊貓拉麵之後失去哂理性?!春日部市全面進入恐慌狀態! 為咗拯救春日部市,春日部防衛隊成員將聯同功夫女孩玉蘭一齊對抗壞人!但係正男竟然喺呢個時候先話要脫離春日部防衛隊?!

《蠟筆小新劇場版:爆盛!功夫小新~拉麵大亂鬥~》將於8月12日在D‧PARK愉景新城舉行首映禮,蠟筆小新到時會同大家耍功夫、玩遊戲!詳情留意稍後公布。
 

  • 片名:蠟筆小新劇場版:爆盛!功夫小新~拉麵大亂鬥~
  • 原作:臼井儀人
  • 導演:高橋涉
  • 編劇:上野貴美子
  • 語言:粵語配音
  • 片長:104分鐘
  • 級別:待定
  • 上映日期:2018年8月16日(8月4、5、11、12日(周六日)優先場)


Source:新映影片

相關文章

Page 1 of 19