日本自駕遊尾轆傳怪聲上網求救!新手自駕 7 人車注意事項

| 威廉 | 05-07-2018 20:38 | |

不少港人都愛到日本自駕遊,但若果駕駛途中車子出事,都真係幾麻煩。早前,就有一位表明「唔識車」的網民到北海道自駕遊,早上於札幌租了一架豐田 Voxy 七人車,上到公路行了個多小時左右,便聽到後轆有怪聲,樓主形容「感覺好似落左 brake 夾硬行一樣,維持三四秒後冇事,但全程發生左三至四次。」樓主補充,之後更聞到少少油味。其後打去租車公司,對方只說「parking brake problem」,表示「冇乜大問題,只叫我地唔好用。」由於租車公司當時不肯換車,樓主只好上網向其他網友求救。初時有網友問是否「腳掣未放晒?」(相信是指 parking hand brake,大部分七人車的 hand brake 都是腳掣)但樓主回覆指已放了,因此才懷疑內裡零件出問題。另有網民懷疑是手掣的「威也」壞了,建議樓主若成功鬆開手掣後,就不要再落 hand brake,但泊車時必須用 P 波鎖死車子及避免在斜路泊車。最終,樓主與租車公司交涉後,租車公司答應換車,事情總算告一段落。

有網民到日本自駕遊,懷疑 7 人車有問題,上網求助。

【相關情報】【養車冷知識】自動波車停燈位「轉 N 波」反而傷車?

事實上,不少駕車經驗較少,甚至「雪藏牌」都有機會到日本自駕遊,部分更會因為同行朋友多,或行李數目多,而租用車身較大的 7 人車。如上文提到、自言「唔識車」的樓主,所租用的 Voxy 正正是一款典型的 7/8 座位「廂型車」,對於新手而言,於駕駛時的確要多加留意。

留意一:7 人車多用 Foot Brake

一般私家車都有手掣(hand brake),泊車或長時間停車時當然會用到,但甚少駕 7 人車的你要留意,大部分日本廂型車(型號如:豐田 Voxy、豐田 Alphard、豐田 Previa、日產 Serena、本田 Stepwgn、萬事得 MPV 等)的「手掣」都設在煞車腳掣左邊,是用腳去踩動的(parking foot brake)。一不留神,容易在開車時忘了鬆開,變相使後轆制動長期「邊磨邊行」,不但令行車不暢順,更會造成煞動系統過熱。正常地,未鬆開 foot brake 的話,錶板會有警示燈,若此時行車,部分車款更會有警告聲響提示。

當手掣(或腳掣)啟用,錶板會有警示燈提醒。

不少 7 人車都用上 parking foot brake(最左)。

留意二:車身大泊位要留神

如不常駕駛 7 人車,除了在行車時要多加留意盲點之外,泊車時亦要小心,必要時可找同行朋友落車,在安全位置及情況下幫忙「睇位」。因為在日本租 7 人車,未必所有車都有「後波 Cam」或泊車雷達感應器。

租車公司有不少 7 人車都不設「後波 cam」或泊車雷達感應器。

【相關情報】【養車冷知識】夏天冷氣保養術 泊車熄匙前宜先關冷氣

留意三:去尾廂取物必轉「P 波」

7 人車的尾廂門,跟一般三廂式 5 人私家車有別,多屬一幅過的大尾門。如「尾入」泊位的話,當泊好車時,尾廂門就難以開啟。所以,不少 7 人車司機如需在泊車後於尾廂取物,泊車時會先留有空位,然後才開尾廂取物。取物後,才把車仔倒後完成泊車。若大家都會這樣做,留意必須把波段轉至「P 波」,並拉好 foot brake,確保車子完全停定,才可開尾廂門開啟。如不做好以上功夫,萬一路面有暗斜,而司機自己或其他朋友走到車尾取車,隨時釀成嚴重意外。

Source:ezone.hk

相關文章

Page 1 of 21