【秘技】攔截方法由「直接掛斷」改為「靜音」,可大幅減少推銷來電次數

| 柔之拔 | 20-06-2018 07:24 | |

推銷來電,煩到 hihi;如果你有用攔截來電 apps 如《小熊來電通知》,原來只要更改一個設定,就可大幅減少推銷來電次數。今天起,請你把攔截來電的方法,設定為「靜音」。皆因設定為「靜音」,可比設定為「直接掛斷」,減少推銷來電的次數達 77%!

面書專頁 hkjunkcall.com 日前發帖,大字標題「【開心大發現】」。還以為有乜咁開心,原來 hkjunkcall.com 發現了「攔截方法由直接掛斷改成靜音,收到的推銷電話量大幅下跌」。Oops!簡直係驚世大發現,媽啊!

hkjunkcall.com 表示,把攔截 app 的攔截設定,由「直接掛斷」改為「靜音」,可大幅減少推銷來電次數。

【精選消息】HKU 應屆畢業生求職行政主任獲聘 被屋企人罵冇前途

「靜音」增加推銷者的成本

hkjunkcall.com 解釋:「估計由於直接掛斷,對於推銷公司來說成本較低,每個電話即時掛斷,每分鐘可能可致電十幾個電話,反之靜音會使成本增加,每個電話或花十數秒,每分鐘只可致電幾個電話,所以推銷公司會減少致電攔截方法設定為靜音的電話號碼。」

道理好簡單,中學都有教:「一鼓作氣、再而衰、三而竭。」佢來電你掛斷,佢可以一鼓作氣立即搵新的「受害者」;佢來電你「靜音」不掛斷,拖住佢,再而衰,令佢心急如熱鍋上的螞蟻,等了又等,三而竭,等到天亮都係等不到你接聽,浪費佢的寶貴推銷光陰,成本大增。佢下次還敢打你主意嗎?

【精選消息】嚴選 10 大「細個 get 錯嘅戇居嘢」網民:賽馬會診所幫馬醫病

不敢。

好蠱惑,不過你鍾意,對吧?

hkjunkcall.com 還做了調查,搵了 A、B、C 三個使用者的數據比較。以最新的 6 月為例(截止 6 月 15 日),發現把攔截方法設定為「靜音」,相比設定為「掛斷」,前者可減少推銷來電達 77%。

【精選消息】【破壞公物】搣開港鐵車廂路線牌窺見屯馬線高鐵線 網民:強烈譴責

以 6 月(截至 15 日)計算,使用「靜音」的 A 與 B,收到的推銷來電分別是 3 次和 4 次;使用「直接掛斷」的 C 卻收到多達 13 次推銷來電。

hkjunkcall.com 豪言:「誠徵更多使用者數據,有意請PM,但只限 4-6 月也持續使用小熊的朋友。包括五月因安全升級而只能靜音,及一直都能攔截的以作比較。」

網民有 says

hkjunkcall.com 驚世大發現,不少網民都在帖子開心大留言。網民回應,節錄如下:

  • 直接掛斷,對面電腦會知呢個 number 可以再打。情況同星期六日特別多ㄧ聽就收線ㄧ樣。 所以最好係由它吾聽。 
  • 而家已經係電腦 call 完先駁俾人講野,俾你長響佢最多買多几台机申請多几條電話線,要浪費應該係代為接聽再靜音
  • 但係靜音變成阻住用家電話時間及電量

iPhone 用戶又如何?

  • 果粉:「iPhone 冇得裝小熊來電,有冇計?係咪要人手按一下開關掣轉做靜音?」
  • hkjunkcall.com:「iPhone 用 whoscall 同埋芝埋,咁真係響都唔響,當啲推銷電話唔存在就得啦」。

 

 

Source:hkjunkcall.com

相關文章

Page 1 of 21