要兄弟定要老婆？作為人夫的大家，相信答案好明顯，正因如此，所以墨西哥球迷 Javier 安守本份地選擇留在墨西哥，跟太太共渡二人世界，都沒有被一群最佳損友動搖，聯群結隊地飛到俄羅斯支持國家隊。可能墨西哥球迷 Javier 是想到俄羅斯睇波，但無辦法，以「老婆永遠是對的」的定律，他有這個選擇也相當合理。不過 Javier 的朋友，沒有因為 Javier 未能在場而感到不開心，因為他們製作了 1:1「紙板」Javier 帶到俄羅斯陪伴在側，讓 Javier 都能感受現場氣氛！好有愛呀！
【精選消息】
【精選消息】
如果有看電影《大丈夫》的朋友，可能覺得墨西哥球迷 Javier 以上的經歷，正跟戲中九叔（梁家輝飾）超有義氣地獨力承擔眾人夫偷食的責任，從此被困在家不得跟兄弟們出外玩樂的情節不謀而合。所以有香港網民看了墨西哥球迷 Javier 以上的新聞，都稱他為「墨西哥九叔」，以示尊敬。
縱然 Javier 擁有「不快經歷」，但不少網民覺得他的兄弟是一群好兄弟，「兄弟情深」、「佢啲兄弟都算係咁，拎住塊嘢咁四圍走。」、「係大叔的愛啊」。之不過，也有網民認為 Javier 兄弟班的行為是落井下石，「全世界都知係個老婆唔畀，啲兄弟係害佢定幫佢」。不知大家如果是 Javier 的話，會否覺得「老婆拒放人，不能親身看世盃」的經歷是男人最痛呢？還是覺得日後可能再有「兄弟睇波團」，之後有機會跟這群兄弟開開心心看比賽呢？
精選網民意見：
- 唉坐緊監
- 佢啲兄弟都算係咁，拎住塊嘢咁四圍走。
- 好兄弟嚟
- 墨西哥九叔
- 兄弟情深
- 呢班堅好兄弟......不但放葡萄，仲捉你嚟笑......果然最佳損友
- 全世界都知係個老婆唔畀，啲兄弟係害佢定幫佢
- 有依啲兄弟真開心，係大叔的愛啊
Source: Daily Mail, 巴打絲打 Facebook Club