【不甘心】27 歲港女被「MK 妹」搶走男友 發惡夢唔明輸啲咩

| 柔之拔 | 15-06-2018 05:50 | |

27 歲港女被「MK 妹」搶走男友,你甘心嗎?網民「超級大大P圖」日前在香港討論區發帖,題為「輸比 MK 妹!好唔甘心!」。單親家庭長大的樓主,表示與自小認識的男友捱了好幾年。一直乖乖仔的男友,最近卻向樓主坦誠另結新歡。

聲稱皮膚白淨、不煙不酒、從事設計的樓主,形容該新歡是個又煙又酒有 MK 味的女侍應。樓主好不甘心,晚晚發惡夢被搶走男友、生日要自己買禮物俾自己、被男友睇死自己圈子細難識異性、卻又聲稱被男友的同性朋友展開追求。與男友十年感情的樓主「唔明輸啲咩」,遂在討論區發帖向巴絲傾訴求助。 

單親家庭渴望愛

樓主剖白:「好快踏入中女年紀 27 開始諗婚姻同未來,本身單親家庭長大好渴望有自己家庭,同佢係小學時已經認識,到入大專時先開始一齊,佢一直都係乖乖仔一名,平時最多都係打機唱下 K。」

【精選消息】52 歲巴打被裁 有這樣的資產 足夠退休嗎?

為男友慳到就慳

她續稱:「讀書時期無咩錢洗,麥記都唔係敢成日食,只係買大包 $15-$20 即食面分幾餐,去街市買下雞蛋同蔬菜就一餐,155 高 85-90 磅成日擔心食大咗個胃,覺得係食方面慳到就慳,同佢崖咗好幾年,旅行都只係去大陸一兩次。」

「第三者希望我退出」

「近排佢考到紀律部隊最後一關差唔多入到,就突然同我講係兼職工作嘅地方鐘意咗個女同事,佢原本想左擁右抱,但個第三者都唔太容氣,日夜都 send 好多親密 whatsapp 比佢,第三者仲希望我直接退出。」

樓主覺得好唔甘心:「點解崖咁耐諗住日子終將過得好少少時比人一腳伸開?第三者係金毛食煙又會飲酒有 Mk 味嘅女仔(女侍應),我起碼都斯文有穩定工作(小設計師)皮膚白淨又唔煙酒,唔明白究竟輸啲咩?」

【精選消息】【寂寞難耐】外國婚姻生活淡而無味絲打想回流 網民:小朋友留喺外國讀書好啲

不甘下場被遺棄

樓主好不甘心:「宜家每晚都瞓得唔好,諗返對上我生日都要自己買禮物比自己,咩都同佢慳咩都同佢著想,最後下場都係被遺棄,宜家成日都發惡夢夢見要同人搶男友,我都明知佢唔再愛我,但偏偏唔想就咁放棄。」

識異性好困難

樓主不甘被男友睇死:「宜家發現識異性都好困難,工作上都係同性為主,自己圈子都無咩異性朋友,我唔想比佢睇死,比佢話我圈子細無咩朋友,十年感情話散就散,係咪雙魚座本色?我認識身邊雙魚座嘅男仔都會咁對自己女友。」

【精選消息】【忍】網民分享搭長途巴士人有三急!體會意志可以戰勝一切

網民有 says

男歡女愛,男女關係,感情問題從來都困難。樓主發帖僅半天,截稿前,帖子已贏得 55,867 個點擊率、647 個回應。天地有情,不少網民踴躍發表意見,與樓主傾訴分擔。網民意見,節錄如下:

陪男友落酒吧

  • 網民甲:「係咪你個人比較悶同無乜情趣? 係咪覺得每樣野都係例行公事咁?」
  • 樓主:「佢宜家接近晚晚同同事落酒吧,飲酒掉飛鏢唱 K,接近晚晚玩通頂!我返朝 9 晚 6 唔煙唔酒,不過星期六日都抽時間陪佢玩,我唔明我輸啲咩?」
  • 網民甲:「pm 你傾下。」
  • 樓主:「我新手嚟,唔算好識用討論區!因為唔想太多身邊朋友知呢件事,特別第一次上討論區同人傾心事,加上唔想令其他朋友擔心,我同佢認識咗十年我地共同朋友太多。」

會自愛

  • 網民乙:「作為一個男仔同你講,唔好為左唔俾佢睇死就為搵而搵,唔係到時害左自己。」
  • 樓主:「無。我依舊會自愛,佢宜家講明鐘意個 Mk 妹,但佢仲想同我親熱,我諗起都好唔舒服一手推開佢,佢有其他男性朋友知道呢件事,問我有冇興趣做佢女朋友,已經有幾個男仔問過我,我相信自己外觀都唔太差,但我唔想同一啲認識唔太深嘅人拍拖。」
  • 網民丁:「成個圈子都咁隨便嘅?」
  • 網民乙:「佢自己既然選擇左另一個,仲對你有咁既要求,佢當你係咩?Sp? 踏兩船?既然你自己有條件既,佢就算最後選擇返你,你都要好好考慮值唔值得。」
  • 樓主:「我有想過等佢回心轉意,因為始終用咗十年去認識呢個人,同佢崖咗咁多年即食麵,準備入紀律部隊最後一步有好生活,先見到佢共患難不能共富貴。」
  • 網民乙:「十年,真係好似電視咁講的,人生有幾多個十年。」
  • 樓主:「佢係我第一個男友,我係佢第二個女友,人生無幾多個十年,只係唔明話變就變。」
  • 網民丁:「黐線啦。咁嘅人渣。慶幸甩身吧。」
  • 網民乙:「事情已經發生,條刺已經永遠係到。你自己思考下接唔接受到呢件事,而原諒佢,得既咪等,唔得就早早離場。」

單親是孽障

  • 網民丙:「你信佛教嗎? 你本身單親家庭皆因你們本身有太多孽障,再遇上這種男朋友又是皆因你尚未懺悔好! 你男朋友沒有,你放生他啦。」
  • 網民丁:「嘩你(網民丙)咩事,平日都唔覺你咁膠。」

其他意見

  • 算啦, 他不適合你
  • 身材,性格都輸。下下扮女強人,又唔願姣,去淫吓條仔,飛你都好正常呀。
  • 想一腳踏兩船既男人爭黎做咩,咪放手送比個女仔,你男朋友鍾意左第二個又拖住你都好衰,佢要走仲好,你無輸,係你男朋友唔識珍惜你,緣盡了只有放下

 

Source:香港討論區

相關文章

Page 1 of 21