世界盃周四開鑼要學「越位」?配對公司搞「標準女球迷」速成班

| WAH | 13-06-2018 20:21 | |

世界盃 2018 於香港時間星期四(6 月 14 日)揭幕,一眾球迷相信每晚都希望盡早完成工作,甚至「射波」趕回家睇世界盃。一直以來,足球這項運動都被大眾視為男士獨愛,雖則現在女球迷都有很多,但似乎仍有不少女士,會在世界盃期間,被另一半冷落!ezone.hk 記者今日就收到一封採訪邀請,話說有配對公司將會搞「標準女球迷」速成班,話要讓女士們融入男士世界云云!

【熱門報道】小米 8 SE 到港!水貨開價有驚喜!

睇返採訪邀請,呢個速成班由資深足球教練教授,而且免費(會唔會叫你入其他會就真係唔知喇),聲稱「用最短時間讓女士們掌握足球基本知識與投其所好之道」。老老實實,要在短時間內講解「越位」等賽例,係咪真係有信心先?雖則話男女相處之道,在乎投其所好互相了解兼支持,但小記問過自己班波友,有人就話「唔出聲就已經係最好嘅支持」,又有人直言「叫佢唔好問點解,就融入到架啦!」其實,世界盃 4 年一屆,無論男方女方好,睇幾場當係吸收社會話題都唔係壞事,但正所謂勉強無幸福,如果另一半唔想做球迷,就唔好勉強喇!

Source:ezone.hk

相關文章

Page 1 of 20