不少香港人都喜歡食放題，大概貪任食不用就住就住，不過對部分人來說，單是任食可能還未夠滿足。稍早前，連登討論區飲食台便有巴打發帖，問：「最癲見過人點食放題？」樓主先分享自己的經歷，他表示：「見人食食下換人，有個人上半場食飽走咗，下半場第二個人入來繼續食。」帖子發布後，隨即引來巴打熱議，原來不少人食放題，都遇過奇怪經歷。
【網絡熱話】
【網絡熱話】
稍早前樓主發帖表示，食放題時，看到有人中途換人，然後繼續食，變相幾乎等同半價。原來還有巴打見過其他缺德行為，其中一名網友分享：「見過 2 個 MK 食得好急，食完行後樓梯走咗，個經理嬲到＿街，係咁＿D下屬。」另外也有不少損人不利己的行為：「8 個人去大 x 屋食放題，臨尾同佢玩野，拎十幾罐汽水返黎，之後開哂佢唔飲」，還有一個「更癲」：「有次一大班 friend 去食放題，坐我隔離個 friend 食完一輪就去廁所，去完之後又繼續係咁食，如是者去咗幾輪。我問佢，無嘢嘛，你去咗幾次廁所痾仲食得咁癲？ 條友答我：痴線邊個話你知我肚痾？原來條友走咗去廁所嘔，嘔完再出返嚟食。」
不過食放題也不定只遇到佔便宜的情況，有人看過情侶不和的情況：「有對情侶去食，點知個男既掛住打機，個女嘅已經黑面，個男嘅又叫埋啲火鍋個啲。之後個女一路黑面，最後無點食過野就走，成程半個鐘都無。」至於其他「奇異」情況，還有：「三文魚刺身溝蟹粥」、「上次同朋友食放題，佢第一時間剔咗個揚州炒飯，食完就飽」、「淨係食雞軟骨串燒，食咗唔知幾多十串」、「最癲 8 個人食放題，叫咗 4 round，每次 20 個海膽手卷」、「我覺得係間餐廳癲。牛一，三個人食，本身五碟牛咁叫，點知都係畀好少我。我跟住一次過叫廿碟，點知嚟咗一座肉山，果到計，起埋有五十碟以上。重大大聲講食唔曬要罰錢」等。
Source：lihkg