網民爭辯:香港夫婦有能力買 200 呎小單位係基本

| 柔之拔 | 05-06-2018 20:07 | |

香港夫婦買 200 呎小單位係基本?網民 Catloverhk 日前在香港討論區發帖,題為「得罪 d 講句, 香港地夫婦有能力買 200 呎小單位係最基本」。Catloverhk 大意指,香港夫婦從畢業出來,工作到 32 歲,月入 HK$25,000 應該唔難,於是俾百萬首期又唔難,佢話如果咁都冇,就唔好諗住組織家庭、唔好諗生小朋友。Catloverhk 豪言,有百萬首期你可以活到 80 歲,百萬首期都冇,要諗諗自己退休後咩境地。他直指得公屋唔是得天下,退休後儲蓄用盡,老來點搵錢,山窮水盡點樣算? 

冇百萬首期 退休有困難?

Catloverhk 戰戰競競,除了在標題表示「得罪 d 講句」,帖子開首就指:「可能呢個 post 會俾人口誅筆伐」。不過他冒死仍要上諫天下網民,他說:「但得罪 D 講句,香港地如果一對夫婦連 200 呎單位都買唔起,真係要慎重考慮下自己退休後既境況同埋是否應該生育下一代」。

【精選消息】30 歲青年千字文剖白人生:「屋企條件咁差,生我出嚟把_咩……原來父母比我更痛苦!」

月入 HK$25,000 唔難?

網民息怒!Catloverhk 好很認真分析:「正常一對夫婦出黎做野 10 年,當 22 歲畢業, 而家 32 歲,兩公婆各自搵 25000 應該唔難,做野十年都冇 25000 月入真係唔好諗組織家庭。」(小編:嘩!)

110 萬首期方程式

Catloverhk 頭頭是道:「一個人月入 25000,月儲一半當 12000,夫婦就每月儲到 24000。正常一年夫婦儲到 24000x 12 = 28 萬多,儲 4 年就年屆 36 歲,到時有 110 萬左右。36 歲夫婦,拎百萬首期買 200 呎單位,應該冇問題(現在百萬首期仍可以支付舊區單幢 200 呎單位)。」

如果小記冇百萬首期呢?Catloverhk 負評:「如果一對已經 36 歲既夫婦,戶口連一百萬買得起樓既能力都沒有,當真要考慮下退休既境地。」

【精選消息】10 大最慳旅行攻略 網民:聖鬥士嘉頓

得公屋不是得天下?

小記猛吼:有公屋咪得囉!咪危言聳聽啦!Catloverhk 反對:「有公屋都不是得天下。退休後當 5 年洗晒 D 儲蓄,70 歲都可以賣左層樓,之後支撐租樓+生活費 10 年。屆時 80 歲,人生可能已經差唔多了。但住公屋,退休後 5 年洗晒 D 儲蓄,到時山窮水盡可以點搵錢?」

「小朋友開支係無底深譚」

他乘勝狙擊:「如果 35 歲夫婦連百幾萬首期都拎唔出,更加唔好諗生小朋友。小朋友開支係無底深潭,試問兩公婆連 24000/月都儲唔到,又點可能養到小朋友+留儲備 for 退休呢....」

直指「買唔起」樓的夫婦

酷爆 Catloverhk 在文末強調是針對百萬首期都冇的人:「我強調,我所指的年齡是工作十年的夫婦,指的是『買唔起』的夫婦,即係連 100 萬首期都儲唔到既人。我不是指『有百幾萬買得起樓,但選擇唔買樓』的人。果D人係買得起,但『選擇』唔買而已,我唔係講緊佢地。佢地有資格拎住百萬儲蓄去否定買樓,去投資股票基金,冇問題的。起碼佢地有能力儲一百萬返黎。我文中指的係『買唔起』既人。」

【精選消息】公屋富婆遭網上情人「金融分析師」騙款 HK$2640 萬 網民:富到咁誇張

網民:一句 ko 你啦

本文如此辛辣,難免吸引網民瀏覽,並踴躍留言!然而,網民主流意見都對本文言論不敢苟同。網民意見,節錄如下:

  • 市區二百呎 起錶要 4.5m -5 m 首期二百萬 不是個個有
  • 6 球以下,4 球以上,2 成首期, 常識!
  • 現在你人工唔加,或加 3-4%,都唔夠楼價升幅。買呢?還要過銀行壓力测試
  • 所以味話係大灣區如江門搵地安置 30 至 40 萬人。
  • AA,一句 ko 你啦,住公屋退休後就係綜援包底啦,唔洗交租,醫療,電費,媒氣,水費電話全 claim 政府,個個月有一萬剩洗,記住呢個係法例規定政府一定要比。好過 d 白痴得一層樓,老左一係賣一係逆按揭,臨老個個月為管理費,差餉,地租,大维修煩惱,真係唔知邊個笑到最後!
  • (住公屋,退休後 5 年洗晒 D 儲蓄,到時山窮水盡可以點搵錢?)。笑 Q 死!
  • 唔知以為個個都大學畢業,人人起薪點 $25000
  • 人工同年齡掛勾??
  • 9post,咁多人就 25000 元一個月社会就唔洗咁大怨氣,好多人都唔係年年有人工加,你估個個高宮咁咩,一年加幾 % 都有幾萬
  • 就係買左先冇錢生仔
  • 香港政府咪已經為呢班人劃左個「居屋」收入限額囉,二人或以上家庭,限佢 57000。好快就有人中獎啦,仲要有 278-631 尺住,有機會住九龍,不知幾爽。

 

 

Source:香港討論區

相關文章

Page 1 of 21