【網購騙局】平買脹爆假 AirPods 贈女友 差啲分手 網友:大耳窿先戴到

| 柔之拔 | 02-06-2018 02:53 | |

網購貪平誤墜騙局,差啲女友都輸埋,港男真係一額汗!面書專頁「爆笑貼圖區」日前發帖,題為「[喊出嚟: 貪平上網買 AirPods 送女友, 差啲搞到分手]」。帖子以自白方式,驚爆「我朋友」貪平上網買錯假 AirPods 贈女友,豈料被眼利女友一眼識破嬲嬲豬,結果「我朋友」硬著頭皮去 Apple Store 買正版 AirPods,才成功冧番女友。有網友直斥:「真 on_ 買老翻氹女隨時西都冇得_ !」(文字經過處理)

對方話係正貨

該帖子表示:「是咁的... 我朋友想送(被迫)AirPods 畀女朋友做生日禮物, 所以咪 google 下邊到買 AirPods 最平 ! 點知好唔好彩畀佢喺 Facebook 睇到特價 $420 日版 AirPods 廣告(其實 google 過一定會見 AirPods 廣告). 佢有留言問係咪正貨, 對方話係正貨, 仲話貨到先付款, 所以佢就安心落單 !

拆開有啲假 試過 work 照送女友

大約一個星期左右, 順豐就送貨嚟, 佢無好認真咁 check 清楚就畀錢 ! 拆開晒重重包裝後, 先發現個盒有啲假, AirPods 個樣仲怪怪地... 但我朋友試過對耳機係 work, 所以選擇照送畀佢女朋友 (唔知扮儍定搏佢女朋友蠢)...」

【精選消息】10 大最慳旅行攻略 網民:聖鬥士嘉頓

女友嬲豬 最後拆掂

貪平有咩下場?帖子續稱:「結果佢女朋友收到份禮物後就梗係嬲咗佢 (其實邊可能有女仔分唔出)... 最後咪又要走返去 Apple Shop 買個真 Airpods 先拆得掂 !

事後佢大方無私咁同朋友分享了呢個故事, 仲想提醒大家網購要小心!」 

帖子下款是 hastag「#淘寶只售98」,全帖附有不少爆笑到標眼淚 emoji,小記都笑到有腹肌!

【精選消息】30 歲青年千字文剖白人生:「屋企條件咁差,生我出嚟把_咩……原來父母比我更痛苦!」

網民有 says

截稿前,帖子贏得 162 個 emoji 心情、130 個回應、14 則分享。港男貪平誤墜騙局,買錯脹爆假 AirPods 女友嬲嬲點樣算?網民留言,節錄如下:

  • Tb 45 蚊人仔已經有
  • 香港人真係易呃
  • Air pods 邊有份日版唔日版
  • 我見過個廣告話在先達因經營不善要結業,違下幾千部賤賣...點解無其他更難賣嘅死貨,反而有咁多咁好價錢嘅筍貨賣剩喺手?諗都諗到有嘢啦!
  • 真貨 公價都 1288 啦冇記錯的話 420 諗住買到阿 又係白痴
  • 其實我真係無研究果正版同翻版嘅分別,好彩我男友買正版
  • 講真,其實呢嚿嘢真係好核突,就好似買左個耳機返來剪左條線戴上耳一樣,倒不如買個頭戴式來得好。
  • 咁大件,要大耳窿先戴到。
  • 分手唔係因買左老翻而分手,而係知道左個男朋友係低能所以分手
  • 唔買都買咗,用得咪得囉
  • 我以為收咗錢就算,居然會送貨咁有專業道德。
  • 一街都總有人用,無用都識分啦~晤係百份百全仿邊呃到人
  • 又真係重有人信 最衰我面皮唔夠厚 唔係我都賣緊
  • 送給她一份至安心保險單就是永恆不變啦!
  • 人蠢無藥醫
  • 大哥,睇價錢都知啦,唔好玩啦

 

【精選消息】公屋富婆遭網上情人「金融分析師」騙款 HK$2640 萬 網民:富到咁誇張

網友以 HK$420 購買假 AirPods;專頁宣傳取巧,從沒提及是 AirPods,詐騙手法純熟。

真、假、真、假……真定假呀_你,咁都分唔到?有指女仔一定分到真 AirPods。

 

 

Source:爆笑貼圖區

相關文章

Page 1 of 21