公屋仔，可以寒酸到幾盡？網民「撞_死你班傻仔」（文字經過處理）日前在 LIHKG討論區發帖，題為「公屋仔出生既我，諗起自己細個真係_寒酸」（文字經過處理）。有幾寒酸呀？該名發帖的公屋仔自白：
【熱門報道】食客不滿「足三両」走芝士價錢相同！向麥當勞提告索償 4 千萬港元
- 細個屋企老豆老母唔比玩電腦，部電腦淨係比做功課
- 明明部電腦都係人地唔要執翻黎
- 屋企無嘢玩，同呀哥著件背心著褲拖鞋落公園玩
- 成班死窮鬼係到玩兵捉賊，玩河仔
- 玩到攰就去飲水機飲水，玩夠就欄商場涼冷氣
- 身上一蚊都無，仙都唔仙，成個乞衣仔
- 玩夠玩飽就翻屋企沖涼食飯做功課
- 而加大個左，屋企成日話好窮比多啲家用
- 唔好意思，多一蚊我情願捐左佢都唔比你，吹呀？
截稿前，帖子已贏得 2195 個正評，以及 646 個負評。「公屋仔」坦蕩蕩自白童年有幾寒酸，甚至到長大後依然銘記著；如今雙親窮忍想要多些家用，公屋仔居然唔肯俾，感覺就似反噬報仇！「公屋仔」吸引不少網民踴躍回應，精彩留言，節錄如下：
【相關報道】
【相關報道】
【相關報道】
公屋仔圍爐
- 個時執到 1 2 蚊有得買支冰條/吹波膠已經好_興奮 _（文字經過處理）
- 吓，我細個都係咁 我諗個個公屋仔都係咁 反而日日落去玩，幾開心
- 啱啊 細細個唔會覺得慘 大個咗就
- 細個覺得咁已經好正，但大個左睇翻其實好_嬲（文字經過處理）
讀中學 冇手機
- 都中學人地個個有手機 人地個個約去玩 自己乜_都冇 你開唔開心？（文字經過處理）
- 係，我中學係一部手機都無 人地啲同學話加我 wts，我都唔知點答好，就話我 wts 壞左
- 中學個個用 smartphone, 我無用,本來係因為我細佬仔驚幅射 但好慶幸個時無用到,避開左成大班人係 whatsapp 講是非最後反面 一劫
知足常樂
- 其實開心就得啦 之前有錢人家嘅細路都未必有我地咁開心 落街都有成班同你一樣嘅𡃁仔都係咁玩 呢家你冇電腦/手機分分鐘比人排斥
- 冇比較就唔會傷心
- 啊q精神?
對付兩老
- 買返件背心俾兩老, 叫佢地落商場涼同玩啦,
- 所以佢地點對你, 你就要點對返佢地
- 日日迫你補習, 彈鋼琴, 跆拳道, 等你訓都冇得訓係咪會開心啲？
- 以前小學冇零用錢，同學仔請我食嘢，我都會珍而重之咁慢慢嘆，仲會留番啲放學食 呀媽見到就會問啲零食邊度嚟，又話唔好貪同學啲零食 唉 冇錢，估我好想貪人地啲嘢食咩，我都想同其他細路一樣 小息衝去買嘢食
- 咩叫貪 做父母應該有來有往 話：「乜同學仔請你食野咁好呀？我地下次都買返啲小食 等你帶返學校請同學仔食吖！」要教小朋友學識分享 唔係貪 人地可能出於善意請同學食 唔係有咩目的呀
開心童年未必好
比我揀多次 我寧願有個唔開心既童年 比父母親逼 就算方法唔岩 但起碼我有得學同試唔同野 一黎代表我有機會一早發掘到／培養到自己既才能 二黎代表屋企有能力支持我興趣能力發展 三黎父母有眼光 有要求 有曬計劃 有曬指導方向 知道條路大概要點行 將來會易行少少 唔會浪費左我童年既時間 我出身於公屋 乜都冇 係就係有個開心既童年 但難聽少少講句 咪又係屋企唔識教 由得我粗生粗養 所以我咪可以日日_下_下咁囉（文字經過處理）
Source：LIHKG討論區