巴打無錢買樓疑患焦慮症!女友媽:搵過個現成有父幹

| Siu Yeung | 22-05-2018 15:59 | |

樓價太高,是不少香港人面對的問題,而且更有可能引發連鎖效應。日前在連登討論區吹水台,便有巴打發帖表示:「我女友老母又發功啦,唉!好辛苦。」原來巴打的未來外母,最近頻頻勸女兒分手,「搵過現成有父幹,條件好 d 嘅」,令他不時與女友鬧交。早前他更表示壓力太大,看醫生後懷疑自己患上焦慮症。

日前,有巴打發帖,他首先交待自己背景:「我同女友一齊好長時間,小弟今年剛剛 30,其實同連登仔講個班 90 後無分別……因為有唔錯既際遇,平均一個月都搵到 20000 頭……,咁多年黎月月清,生活都幾輕鬆。咁我就同女友一齊都差唔多 9 年幾,到近呢兩年,先開始儲下錢。我屋企因為本身有置業,一家三口,生活都 ok。」

之後樓主開始表示遇到的問題:「早前因為老豆唔舒服,洗左屋企大半積蓄,但伯母呢輪就係咁叫我女友同我分手,原因就係窮,無父幹,一直叫我女友搵過現成有父幹,條件好 d既……咁我女友頭一年都無理佢,到呢半年以經開始洗腦, 我地有陣時有鬧交,原因就係樓,我自己亦都覺得壓力大。」

【網絡熱話】70 歲老婦稱懷孕 6 個月!或破全球紀錄成最高齡產婦

【網絡熱話】【診所奇觀】太太罵哥哥白痴!弟弟「護駕」被鬧到哭崩

由於入息條件不合,居屋抽極都無,私樓無本事買。樓主表示,自已跟女友都很心煩,「我同左我女友講,如果你搵到個比我對你更好,比我更有錢既,我都祝你幸福,因為你同你老母日日見,我地一個禮拜見幾日,我對你影響力太低,我無辦法改變一個人嘅思想。」之後他又想:「我自己翻屋企半路以經頂唔順,一路喊一路諗,自己幾撚無用,但諗極都無方法解決現況。每次都會同父母傾,佢地都話無計真係無錢再負擔一層樓,其實而家每日我都壓力好大,覺得同女友無將來,佢老母亦唔會比我嫁佢。早排睇醫生,佢懷疑我患左焦慮症,太大壓力。」

最後巴打感嘆:「其實我無爭人錢,身體健康,同父母關係好好。但就因為一層樓 一個地方搞成咁……。我好愛女友,但又頂唔順佢家庭既壓力,人地想個女搵個更好既選擇係無錯,只可以話想一生一世,唔係兩個人既事,係兩個家庭既事。」

對於樓主的情況,其他巴打也感到無奈,也不能提出什麼好建議,留言包括:「我都租緊劏房住,生活真係逼人」、「香港地拍個拖都好複雜」、「女朋友唔幫你都冇計,佢真係愛你就會抗爭到底」等。不過也有網民相對積極:「試下儲錢做投資增值,慢慢先考慮家庭。如果你女人甘心跟你既,你再努力去回報。如果佢都因為咁想搵頭新住家,你由佢走啦。老實講,男人好多30歲先開始起步。」

Source:lihkg

相關文章

Page 1 of 21