【秘技】如何查詢公司的招聘廣告紀錄

| 柔之拔 | 22-05-2018 10:30 | |
【秘技】如何查詢公司的招聘廣告紀錄

面書專頁「辦公室日報x聶瞳」最新發帖,題為:「點check間公司請人密唔密? 點check個position搵咗人幾耐?」。該帖子分享了一個網站(http://david.co/job.php, 下稱 David 網),表示可以向網站查詢各大公司機構的招聘紀錄;只要在網站輸入公司名字,公司以往的聘位招聘紀錄,一目了然。帖子表示,這個網站的最大好處,可以讓大家知道,哪些公司及職位「有伏」!

【秘技】如何查詢公司的招聘廣告紀錄
只要在紅圈位置輸入公司名字,即可顯示其過往的招聘記錄,小記實測真係 work!

該帖子指出,這個網站由「高人」David Ng 製作,原意是為興趣,豈料被發帖者無意發現,並聲稱 David Ng 願意無私分享及回覆:「I do welcome comment or suggestion to my current job search so that it could better help you on your job.」

【精選消息】

發帖者續稱:「『David 網』最好用之處唔係搵工,而係用嚟 check 下份工招聘歷史,從而睇下有冇伏,因為『David 網』已經運作咗好多年,儲埋好多 data,假設你喺我圈住個位置 search 公司名 "pico" (求其搵間舉例咋,唔好告我),佢就會彈晒 pico 呢間公司呢幾年嚟嘅招聘廣告歷史,例如佢最新嗰個 position 叫做 "Knowledge Management Director (Job Ref No : KMT05)",你好易會見到佢喺 5 月份之內已經出咗 3 個招騁廣告搵呢個位,而對上一次就係 2017 年 11 月,換言之上一手有可能係 2017 年 11 月做到上個月辭職,又或者呢半年內都懸空咗,不過喺 2017 年之前,上次出呢個 job 嘅招聘廣告就已經係 2015 年,即係再對上一手應該做咗兩年。」

【精選消息】

帖子提醒:「2017 年同埋 2015 年嘅連結已經 link 唔返去隻招聘廣告嗰度,因為『David 網』都係 link 去當日個連結,條連結過咗期,自然係冇晒 record,但你仍然可以靠『David 網』去 check 下呢一間公司同埋呢個位請人係有幾密,從而推斷係咪伏。」

發帖者相信:「用呢個方法去 check 某啲公司嘅某啲職位,就唔難發現出稿密度可以嚇死你,咁究竟係一直以嚟都請唔到人吖,抑或每次請到人隔一陣又走呢?咁就要自行判斷喇,但我哋唔多唔少都聞到有冇伏味既,求其搵間你覺得好伏嘅公司 search 下,你會見到個畫面何其壯觀。」

【精選消息】

他舉例:「樂視執笠單嘢都有跡可尋架,你 search 下 "LETV Sports Culture Develop (HongKong) Co., Limited",佢哋今年先執,但 2016 年起已經冇出過招聘廣告,你大致可以想像到管理層由幾時開始已經採取自然流失政策。」

按此即玩 > http://david.co/job.php

截稿前,帖子已贏得 4819 個心情、667 個回應、1159 則分享。網民意見,節錄如下:

  • 澳門嘅工都有大佬正呀喂 雖然唔係全部但好夠用,而且求其打幾個名真係見到啲伏公司現晒形 多謝晒
  • 我睇到中間,勁想問佢係咪單身囉。
  • 正呀!即 bookmark Thanks !!
  • 我驚佢冧 server, 哈哈
  • 這個 post 唔過萬 like 真係唔合理, 輕輕 search 下前東家真係嚇死人
  • 可以做 data analytics
  • 好變態 我最伏個間野 基本上月月請人
  • 如果間公司每日都貼出嚟(唔同職位),每月都近 60-80 個,係乜玩法?
  • 聽聞有啲公司會扮請人避稅 請問真唔真?

【秘技】如何查詢公司的招聘廣告紀錄
面書專頁「辦公室日報x聶瞳」日前發帖,分享如何查詢各大公司機構的招聘情況。

 

Source:辦公室日報x聶瞳

相關文章

Page 1 of 11