區議會動議撤走旺角行人專用區!網民:周六日真係人間地獄

| Kay | 16-05-2018 12:01 | |
區議會動議撤走旺角行人專用區!網民:周六日真係人間地獄

今日(5 月 16 日)多間本地傳媒報道提及,油尖旺區議會將於下周四(5 月 24 日)討論由屬於建制派的經民聯提出,要求政府研究取消旺角行人專用區的動議,動議者批評「政府無力監管,若問題未能解決,取消是別無他選」。報道也提到,油尖旺區議會 19 名議員之中,手執 8 票的民建聯足以影響動議結果,民建聯副秘書長兼區議會主席葉傲冬強調:「當年設立原意並非方便任何表演者,而是方便行人使用道路,避免人車爭路,惟經歷多年演變,專用區現時發展已違背原意」。至於隸屬泛民的公民黨余德寶則指反對意見:「不贊成取消專用區或縮短開放時間,強調縮短時間後表演者會爭相在有限時間和位置表演,令噪音投訴反增,亦只會將問題『搬到別處』,治標不治本。」。他建議政府應向街頭表演者發牌,以及研究於其他地方增設表演場地。

【精選消息】

【精選消息】

支持建制派動議?

說來約 1 年前左右,已有網民出 post 談及「旺角行人專用區應該全面取消」,原因為「超級影響市容」、「難聽又阻塞通道」。如今「經民聯要求撤走旺角行人專用區」的新聞一出,而當中又集合了建制及泛民議員的看法,當然又成為網民爭相談論的焦點。其實如果平日有瀏覽討論區帖文「食花生」的話,不難發現有關建制派的動議,最終都會被網民「剷到上天花板」,認為建制派總是有破壞無建設。之不過,這次竟不約而同地有網民「支持建制派動議」,因為「條街真係影響市容」、「搞到成個妖獸都市」、「民主派真係太傻太天真,嗰班根本就生番嚟,發個牌畀佢地唔會安靜咗」,更有網民認為「一刀切 cut 咗佢最好」。另外有贊成撤走旺角行人專用區的網友覺得,住在行人專用區樓上或附近的朋友、商戶真心慘,「有咩可能比佢哋用喇叭喺度轟」、「樓上畀你搞到無得瞓」。

嚴正執法杜絕擾民問題

事實上,有份在討論區留言的巴絲打,的確有住在行人專用區附近的朋友。觀望他們的回應,反而是比其他網民理性,「唔介意果度有人唱歌,但係非常介意佢哋用喇叭鬥大聲,禮拜六日果度真係人間地獄」。之不過,一眾網民有感,要杜絕旺角行人專用區的擾民問題,應該要嚴正執法,將構成無牌擺賣、行乞、公眾地方行為不檢、噪音滋擾的人士,統統繩之於法。

區議會動議撤走旺角行人專用區!網民:周六日真係人間地獄
由經民聯提出,要求政府研究取消旺角行人專用區的動議,動議者批評「政府無力監管,若問題未能解決,取消是別無他選」。

區議會動議撤走旺角行人專用區!網民:周六日真係人間地獄
旺角行人專用區商戶試過因為受不到噪音,自建隔音屏,讓顧客有較寧靜的購物體驗。

網民有 say:

  • 嘩 X,真係第一次支持建制派動議,條街真係影響市容
  • 唔介意果度有人唱歌,但係非常介意佢哋用喇叭鬥大聲,禮拜六日果度真係人間地獄
  • 民主派真係太傻太天真,嗰班根本就生番嚟,發個牌畀佢地唔會安靜咗
  • 一刀切 cut 咗佢最好
  • 諗吓都覺得住樓上好慘,有咩可能比佢哋用喇叭喺度轟
  • 計我話要趕根本應該要嚴正執法,無牌擺賣、行乞、公眾地方行為不檢、噪音滋擾
  • 最主要係四不管。警察又話佢冇犯法(收錢開檔其實冇犯法喎),食環又唔話佢阻街,康文又冇劃位由佢哋自己爭,藝發局又冇權去審批表演者
  • 搞到成個妖獸都市咁,取消好過
  • 咩商戶會唔想佢取消,明明有鋪頭加個隔音屏等佢班客睇得舒服啲,但畀人出警告信
  • cancel 咗佢最好啦,又嘈又多人,最垃圾係阿婆阿伯係度跳舞唱歌,當向左走向右走左係廟街

區議會動議撤走旺角行人專用區!網民:周六日真係人間地獄
有網民認為應該撤走旺角行人專用區,因為「諗吓都覺得住樓上好慘,有咩可能比佢哋用喇叭喺度轟」。

區議會動議撤走旺角行人專用區!網民:周六日真係人間地獄
另有網民稱自己「第一次支持建制派動議」。

Source: hkgolden, lihkg

相關文章

Page 1 of 11