《黃子華棟篤笑 2018》加場門票一票難求? 網民:閒日仲有 4 連位

| Kay | 24-04-2018 15:31 | |

今日(4 月 24 日)為《黃子華棟篤笑 2018》門票公開發售的大日子!事前子華神已講明,《黃子華棟篤笑 2018》會加場至 7 月 31 日,合共 26 場,於 4 月 24 日(今日)會有約 15 萬張門票公開發售。各位子華迷為跟隨子華神決意「跟黃牛黨說不」的決定,於是不少人已在門票開賣前數天,到各城市電腦售票網排隊輪候之外,而一眾今日要上班的打工仔都決定在電腦面前,跟 urbtix.hk 網站來個世紀決鬥!從來黃子華棟篤笑的門票都是一票難求,不過對比上回信用卡優先訂票的情況,這次就有不少網民表示成功買到《黃子華棟篤笑 2018》門票,更直言:「閒日仲有 4 連位」!着其他未買到《黃子華棟篤笑 2018》門票的朋友繼續努力,不要放棄。

【精選消息】《黃子華 棟篤笑 2018》加至 26 場 約十五萬張門票 星期二公售

【精選消息】黃子華回應《黃子華棟篤笑 2018》炒黃牛

雖然今日都有不少網民跟記者一樣,按爆 urbtix.hk 的「再次登入」按鈕都未入到網站買票,但觀望今日多間傳媒報道、討論區 post 及 Facebook 帖文,都是成功購票的朋友佔多數。在文章發布前,從網民貼出之門票售賣表可見,《黃子華棟篤笑 2018》的 HK$280 門票是所有日期沽清、星期五、六、日的場次也是所有門票售清,另 HK$480 門票也幾近售光,因此現時仍未買到《黃子華棟篤笑 2018》門票的朋友,不妨主攻星期一至四的場次。

精選網民留言:

目標達成:

  • 我幾順利,我 click 280 無連位,再 click 380,又好順,一入到就好順已經好過上次優先
  • 頭先終於成功!!!所有星期五都冇 880 四連位,焗住買左星期四加場嘅四連位
  • 啱啱買完,仲有大把位,大家唔好放棄
  • 18 號 380 仲有兩連
  • 10 點撞到依家終於買到,見仲有好多飛,但 $880 好多日子都無連位了

仍需努力:

  • 十點開始禁到而家,用手機入過一次,但死左係打信用卡資料到,狂 loop 到 timeout,從此就冇入到過。想要兩張飛姐,點解要咁對我,點解要攪到我灰晒機
  • 我啱啱入到,之後信用卡比錢個陣唔知做乜 load 唔到,彈咗出去,之後話我係另一頁付費中,最後佢倒數好似 5 分鐘,登出咗,依家又要再撞過。好灰,10 點到依家    
  • 真心唔明點樣咁多人話入到,我 0945 開始㩒,㩒到依家都入唔到,不停 retry
  • 卡喺畀錢唔郁可以點
  • 求四連 380,我會繼續㩒......

為了購買《黃子華棟篤笑 2018》,不少子華迷已預早時間排隊搶票。

今日全港多個城市電腦售票網購票地點大排長龍,圖為青衣區。

對比上回信用卡優先訂票購買《黃子華棟篤笑 2018》門票的情況,今回明顯多了成功購票的朋友。

從網民分享的最新《黃子華棟篤笑 2018》門票售賣表可見,平日場次尚有多款票價可買,未買到門票的朋友不妨主攻星期一至四的場次。(惟實際票務情況以現場為準)

Source: hket, 香港突發事故報料區 Facebook, hkgolden, lihkg

相關文章

Page 1 of 19