倫敦人妻先生投訴 Cova 拒免費畀紙袋惹爭議!網民批評作者:Del 負評圍爐

| Siu Yeung | 23-04-2018 16:34 | |

香港不時被人揶揄為「投訴之都」,稍早前又出現了一單令網民爭議的事件。網絡著名作家「倫敦人妻先生手記」,指自己在海港城購物途中,因正在用的紙袋突然破爛,便在沒惠顧的情況,向 Cova 餅店索取紙袋,怎料被拒絕。於是昨天他便在其 facebook 專頁發表了一篇文章,指店員無禮及說謊。雖然有好些粉絲表示支持,但指責倫敦人妻先生的網民似乎更多,更有人表示,他將所有負面留言刪除或隱藏,反令更多網民留意事件。

倫敦人妻先生的原文表示,昨天到了海港城購物,不料紙袋突然破爛,便向旁邊的 Cova 餅店表示:「唔好意思,可以借我一個紙袋嗎?」據他的形容,店員的反應是「斜眼 + 西面」,回答:「無喎!」該作者感到受辱,認為店員其實可以答:「公司 policy 要買野先俾袋。」

【網絡熱話】生日派對樂極生悲!疑氫氣球搶火爆炸

【網絡熱話】奧運站「西九匯」直譯作「West9Zone」!網民:九龍叫「9Loon」?

之後他發文表示:「你幾錢一件蛋糕、又幾錢一杯咖啡姐?家陣香港地邊個俾唔起幾十蚊?你講左我都要死 R 你個袋就話我唔岩姐,你駛唔駛咁樣嘅態度講野呀?你唔幫公司sell我都算啦,但你可唔可以作個好啲嘅大話?大佬,你啲客買完 cake 好似非洲人咁捧上頭頂行架?幾百蚊買個蛋糕點會紙袋都冇個呀?我兩年前你中環分店在我樓下,我邊次買 cake 冇袋架?我課足你班粉皮一年金呀!大佬,講大話都算,但可唔可以唔好侮辱大家智慧?講個好啲的大話,例如尋晚有怪盜偷走晒啲紙袋、外星人入侵地球要用 cova 特製矜貴紙袋整防護網嘛!你咁講,我咪信囉!」

在帖子發布之初,幾乎所有留言都一面倒支持倫敦人妻先生,大概都是指責香港服務業如何不濟云云,但後來其他網民發現,幾乎沒有任何批評作者的留言,便質疑他將有負面留言隱藏或刪除,有人更稱因留下負面留言而被 block。

在其他群組及討論區,情況則完全相反,大部分網民都指責倫敦人妻先生:「條友仲要將唔岩聽既留言都 Del 埋,咁鍾意打飛機唯有幫你宣傳下你 D 肉酸野出去比大家食下花生」、「del 留言圍爐是常識啦」、「等我仲響度諗點解無人覺得佢有問題咁得意,原來條 76 刪留言,食 L 屎啦 KOL!」、「D 用詞小學雞到呢」、「幫係人情,唔幫係道理」等。

Source:倫敦人妻先生手記、小心駕駛(討論別人駕駛態度)

相關文章

Page 1 of 21